Bertsos - Ver ficha Más información sobre esta sección
1989-04-02 Landibarre Txapelketa [Bertsoa] / Jexus Arzallus
1989-04-02 Landibarre Txapelketa [Bertsoa] / Jexus Arzallus
Localización:
XDZ - Xenpelar Dokumentazio Zentroa
Biharko Euskal Herrian dugu
euskaldun denen ustea
ez dakit horri buruz nolatan
dabilen hemen gaztea
hori ikusiz nahiago nuke
nere begiak hestea
gehien beldurtzen nauen gauza da
Herri hauxe frantzestea.
Aberri Eguna pasatu da
ta ez da izango azkena
hortxe pizten da Herri zaharrak
dadukan itxaropena
mugaz gainetik indar berrituz
guk ditugun anitz pena
Herri hau bait da beti geroan
sinistea dutenena.
Gure ustetan Herri zahar hau
beti bait doa gorantza
guk horri buruz egiten dugu
gure oihu ta arrantza
bihotz erdian sartuagatik
hainbeste mila arantza
ainitz beldur nik badaukat ere
beti gora esperantza.