Bertsos - Ver ficha Más información sobre esta sección
1992-05-16 Oñati Jaialdia [Bertsoa] / Andoni Egaña, Jon Sarasua, Xabier "Euzkitze"
| Bertsoa entzun |
1992-05-16 Oñati Jaialdia [Bertsoa] / Andoni Egaña, Jon Sarasua, Xabier "Euzkitze"
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Egaña:
Lope de Agirre hauen ondoan
sentitutzen da arraro,
Ama Birjinak ematen dio
makina bat erreparo,
beti geldirik egon da eta
horrenbestean akabo,
ta Araoztik Zainarturaino
alde pixka bat badago.
J.Sarasua:
Hiru famoso lustro kontuan
bertsoetan gera ari,
lustratuena Galdos dugula
jendeak du gaur nabari,
nik herriari emana diot
fama ta lustre ugari,
eta lustrea ematen diot
nere gaztai ederrari.
Euzkitze:
Lustratuena nor den diote
hauxe da buru haustea,
bat diputatu nagusi dugu
alu galanta bestea,
Lope de Agirre izen haundia
Galdos izen ilustrea,
baina Oñatiri nik eman diot
babesa eta lustrea.
Egaña:
Eli Galdos hau suerte haundian
frutua ez al da kasi?
Paktoak egin ta gobernatzen
oraindik ez du ikasi,
besteai berriz hizketan ere
"Alu" hitz horrek ihesi,
hola ari dan Ama Birjinak
famarik ez du merezi.
J.Sarasua:
Komeniko da Galdos izena
zerutara altxatzea,
Dipitazion zeinek lortu du
autobia konpontzea,
eta gainera sekula ere
ez det ahazten etxea,
ia lortu nun autobia hori
Oñatitik pasatzea.
Euzkitze:
Nahiz berak orain aitortu duen
lehendik bagendun susmua,
besteak berriz ni bajatzeko
intentzio ta asmua,
baina nik "Alu" izan denari
"Jator" deitzera ez nua,
ni Ama Birjin nauzue baina
Ama Birjin modernua.
Egaña:
Euskal Herria neuk jarri nuen
hemen eskaparatean,
Lope de Agirre han ibili zan
lurralde urrun batean,
Eli Galdosek lau ata ditu
Gipuzkoako partean,
ta Ama Birjinak agintea du
lau praile tristen artean.
J.Sarasua:
Akusazio izugarriak
dituzte hemen eginak,
neronek ere atera gura
nituzke kontu zikinak,
lau praile tonto babesten ditu
gure Ama Birjin finak,
ta Lopek ama bihurtu zitun
Amerikako birjinak.
Euzkitze:
Ameriketan ezautu zuten
makina bat neska gaztek,
ta Galdos ere ezagun dute
bai batzuk eta bai bestek,
baina bikote zuetan inor
bajatzeko asmorik ez det,
ez dezute asko merezi baina
nik bedeinkatzen zaituztet.
Egaña:
Eli Galdosek ipinia nau
halako era tristean,
lau estrapozu eduki nitun
Amerika iristean,
Oñatiar raza zabaldu nuen
hala da nere ustean,
han "bazatoxak" esaten zuten
hegaberak ikustean.
J.Sarasua:
Baina historiak gaiztotzat dauka
Lope de Agirren kondukta,
ta beste biak gara lustreak
lokatz zikinak kenduta,
eta gainera beste bi hauek
gaude ondo elkartuta,
Arzallus jaunak Ama Birjina
PNV-n sartu du-ta
Euzkitze:
Eli Galdosen esanai nago
aspalditxo igarrita,
kabi bat behar izanda ere
ez al da kabi polita?
Lope de Agirre berriz hor dabil
zeruraino iritsita,
Jainkuak ere ihes eiten du
hau aurrean ikusita.