BDB Bertsolaritzaren datu-basea

Información general

Kategoria

Bat-batekoa

Actuación

1992-07-11 Urretxu Jaialdia

Gai-emailea

Sagastibeltza, Juanjo

Bertsolaris / Autores

Lizaso, Sebastian

Murua, Iñaki

Peñagarikano, Anjel Mari

Ejercicio

Hirunaka gaia-emanda

Tema propuesto

Bertsolariak etengabe dabiltza alde batetik bestera. Trote hori aguantatzeko noizean behin osasunari kaso egitea komeni den zerbait omen da. Hori dela ta zuek hirurok sauna baten barnean zaudete farrez. Zeri egiten diozue farre?

Descripción

Melodia

Kantatzera nijoa

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

1992-07-11 Urretxu Jaialdia [Bertsoa] / Sebastian Lizaso, Iñaki Murua, Anjel Mari Peñagarikano

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

Peñagarikano:
Zelebre gabiltzala
zeinek ez antzeman,
saunara etortzea
orain dago modan,
irrifarrari eusten
badaukat nahiko lan,
esan beharrik ez dago
nori eiten diodan. (BIS)
Murua:
Sartu naiz barruraino
ez bihotz hain eriz,
ta bi giza pare hau
ikusiz aurpegiz,
parrez leher hasi naiz
ta zergatik berriz:
Hemen dago Obelix,
hor dago Asterix. (BIS)
S.Lizaso:
Sauna batean gaude
zertan egin uko,
geu gera testigoak,
geu gera lekuko,
izarditan busti naiz
ni sartu orduko,
Peña alperrik hator,
ez haiz argalduko. (BIS)
Peñagarikano:
Lizaso larru hutsik
hau ez da normala,
pentsa instrumentoak
haundiak dauzkala,
ta sinestu jendeak
esaten duala:
San Martin elizako
kanpaiak dirala. (BIS)
Murua:
Parregurea eman dit
Peñaren mokoak,
parregure gehiago
haundian tipoak,
honek* dauzka azeituna
beltxan modukoak,
honen** baloiak dira
reglamentukoak. (BIS)
* Peñagarikano seinalatuz.
** S.Lizaso seinalatuz.
S.Lizaso:
Hauen ondoan ez naiz
kezkati izua,
erdi galduan dabil
erdiko gaisua,
kanpaiak emango dik
bere abisua,
ta hiri gustatzea
ez dek prezisua. (BIS)
Peñagarikano:
Lizasok izerdia
botatzea errez,
ta Murua isilik
egon ai mesedez,
honek zer dun esaten
nik ez daukat nekez,
goian ile kixkurra,
behean baterez. (BIS)
Murua:
Honek esandakoaz
ez zaitezte fio,
argal dago, ez dauka
ez gatz, ez olio.
"Behean ilea falta"
hala irten zaio,
honi ile ta besteak
faltatzen zaizkio. (BIS)
S.Lizaso:
Sarrerarekin ezin
horri galerazi,
baina zerbait nahi diot
nik adierazi,
nora begiratzen duen
baidegu ikusi,
begiratu zak baina
kolpeka ez hasi. (BIS)
Peñagarikano:
Lizasok bai dauzkala
zintzarri haundiak,
horiek dira meloiak!
Ta hoiek sandiak!
Zer hirukotea den
nik esango diat:
Hemen Capitan Trueno,
Crispin ta Goliat. (BIS)
Murua:
Bateko tebeoa,
ipuin ta txistea,
aspirina kolorez
hau dago tristea,
parregarriena da
Lizaso ikustea,
goian Montecristo bat
ta behean bestea. (BIS)
S.Lizaso:
Haundia egin dezu
hori esatea,
baina ez da komeni
sua ematea,
luzaro irautea
geuretzat kaltea,
ia ito naiz eta
zabaldu atea. (BIS)