BDB Bertsolaritzaren datu-basea

Información general

Kategoria

Bat-batekoa

Actuación

1992-06-28 Lasarte-Oria Jaialdia

Gai-emailea

Elexpuru, Ion Iñaki

Bertsolaris / Autores

Iztueta, Joxe Miel "Lazkao Txiki"

Lizaso, Joxe

Ejercicio

Binaka gaia-emanda

Tema propuesto

Zu, Joxe, afaldu ondoren basura jaistera abiatu zera. Kontuak kontu goizeko zazpitan hartu dezu etxerako bidea. Ahal dan moduan igo eskailerak eta emaztea aurkitu duzu ate onduan zain.

Descripción

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

1992-06-28 Lasarte-Oria Jaialdia [Bertsoa] / Joxe Miel Iztueta "Lazkao Txiki", Joxe Lizaso

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

J.Lizaso:
Andreak bialdu nau
kalera benetan,
zikina bazeguan
eskina danetan,
"poltsa hau bota zazu
kankarro horretan",
baina deskuidatu naiz
argi gorrietan.
Lazkao-Txiki:
Ez didazu ematen
zeuk uste hainbat poz,
nunbait argi gorriak
beti ditu gogoz,
kalera juan zerade
basura utzi asmoz,
hainbat ordu pasata
basurakin zatoz.
J.Lizaso:
Andretxo ez zaitela
errietan hasi,
senarrak ez dizu egin
horrenbeste grazi,
orain esango dizut
hartu pazientzi:
Bi kopa hartu eta
iztarrak ikusi.
Lazkao-Txiki:
Hau al zan ordu eta
gizonan tamaina?
Kalera jeitsi zinan
hain apain-apaina,
iztarrak igurtzitzen
ibili alajaina,
etxean'e bazendun
zuretzako aina.
J.Lizaso:
Xelebreak dirade
andre inbiriak,
ni engainatu naute
hor argi gorriak,
orain haseko'izkizut
gose- egarriak,
gaur ikasi baiditut
numero berriak.
Lazkao-Txiki:
Numeroak asmatzen
zuk ez dezu errez,
ekarri dezun usaiz,
daukazun mozkorrez,
zu argi gorrietan
ibili indarrez,
kanpoan langile ta
etxean ezer ez.
J.Lizaso:
Andrea ez dakit nola
haserratu zeran,
nahigaberik ez bota
nere bihotzera,
denbora badaukagu
hemendik goizera,
konformatuko zaitut
portatzen bazera.
Lazkao-Txiki:
Motiboz jarri naiz ni
kopeta beztuta,
ongi zerbitzerikan
merezi ez du-ta,
andrea nun utzi dun
hor dago ahaztuta,
umil asko etorri da
bi poltsak hustuta.
J.Lizaso:
Berriro ere nago
hitzegin beharra,
alperrikakoa da
daukazun negarra,
horrelakotxea da
nere andre xaharra,
polit xamarra baina
zelosa xamarra.
Lazkao-Txiki:
Gaur ez dezu merezi
muxu ematia,
okertua dalako
zure izatia,
halare oraindik zaitut
bihotzez maitia,
hurrengoan goizago
etorri zaitia.
J.Lizaso:
Badakizu gauetan
naizela artista,
gaur berri bat nik
nahi nuan konkista,
zuri emango dizut
maitasunan lista,
gaurkoa barkaidazu
portatuko naiz-ta.