Bertsos - Ver ficha Más información sobre esta sección
2009-11-14 Tolosa Txapelketa [Bertsoa] / Uxue Alberdi, Igor Elortza
| Bertsoa entzun |
2009-11-14 Tolosa Txapelketa [Bertsoa] / Uxue Alberdi, Igor Elortza
Nombre de la estrofa:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localización:
XDZ - Xenpelar Dokumentazio Zentroa
U. Alberdi
Hurbildu zara azal beltz
nahiz ez zaizun egin errez
ta begietan hor ikusi dut
mundua aldrebes.
Nahiz baden nahiko interes
nola esango dizut ezetz?
Nik lanpostua galdu dezaket
duintasuna ez. (bis)
I. Elortza
Mundu beltza mundu hitsa
ta zu nire argi printza
gainera prestu zaude galtzeko
itxuraz langintza
ez galdera ez baldintza
benetan ondo zabiltza
ordu erdi bat da zuretzat ta
niretzat bizitza. (bis)
U. Alberdi
Lepaldean duzu soka
eta edozeren kontra
olatuekin, kamioiekin
eginaz borroka
baina zuk duzun erronka
bihur liteke porrota
zuk uste duzun bezain polita
ez baita Europa. (bis)
I. Elortza
Gura nauzunez babestu
beharko dizut sinestu
antza Europak atea asko ta
batere onik ez du
hartuko omen nau estu
baina lasai nago prestu
Algecirasen utz nazazu ta
utzi neure esku. (bis)
U. Alberdi
Kamioia nahiz batela
hau da bidaia itzela
nahiz lehendik ere nik banekien
pasatu ohi zela
ta zuk lortzean logela
ta behar duzun papela
postal batekin esan zaidazu
ederki zaudela. (bis)
I. Elortza
Neure postal ta histori
bidaliko ditut tori!
Baina zeuri ere igual ez zaizu
dena joango ongi
istripu eta hilzori
gertatu litezke zori
ta nik buruan atxikiko dut
matrikula hori
ta nik gogoan atxikiko dut
matrikula hori.