Biografías - Ver ficha   Más información sobre esta sección

Jean Haritxelar

Datos personales

Nombre
Haritxelar, Jean
Nombre y apellidos completos
Haritschelhar Duhalde, Jean
Nacimiento
1923 Baigorri + Baigorri < Baigorri-Ortzaize < Baxenabarre < Euskal Herria
Defunción
2013 Baiona + Baiona < Biarritz-Angelu-Baiona < Lapurdi < Euskal Herria

Bertsolarismo

Principal dedicación
Investigador/a

Datos biográficos

Biografía
Jean Haritxelhar Duhalde Baigorrin sortu zen 1923an. Batez ere euskaltzain bezala ezagutu badugu ere, politikari eta literatura ikerlaria ere izan zen baxenafarra.

Okzitaniako Tolosako, eta Sorbonako unibertsitateetan eta Saint Cloudeko irakasle eskolan goi mailako ikasketak egin zituen. Ageneko lizeoan aritu zen irakasle 1952tik 1959ra. Bordeleko unibertsitatean gaztelania, euskara eta euskal literaturako irakasle izan zen, 1962tik 1986ra bete zuen Euskal Hizkuntza eta Literaturako katedra tarteko. Letretan doktoretza lortu zuen 1969an Sorbonako Unibertsitatean.

Gramatika eta literatura idatziari buruzko lanez gain, ez zuen ekarpen ttipirik egin ahozko euskal literaturaren esparruan, besteak beste bertsolaritzaren ikerketan. Esate baterako, berak idatzi zituen "Deux chansons perdues d´Etchahun-Barkoche" (1961), "Le rythme poétique (4+7)-(4+6) dans la chanson «Intchauspeko alhaba dendaria»" (1962), "Etchahun et Chamisso" (1963) eta "Contribution a l´étude de la littérature basque: Martin Larralde-Bordachuri, le poète-galérien" (1963) azterlanak. Gainera, 1967. urtean idatzi zuen "Etchahun eta Otxalde" idazlana.

Ahozko literaturari egin zion ekarpenik gorena, ordea, 1969an idatzitako Etxahuni buruzko doktoretza tesia izan zen; bi partetan emana: "Le poète Souletin Pierre Topet-Etchahun" (1969) eta "L´Oeuvre Poètique de Pierre Topet-Etchahun" (1970).