Biografías - Ver ficha Más información sobre esta sección
Jon Iñaki Itzazelaia
Datos personales
- Nombre
- Itzazelaia, Jon Iñaki
- Nombre y apellidos completos
- Itzazelaia Ugarte, Jon Iñaki
- Nacimiento
- 1967 Arrasate + Arrasate < Debagoiena < Gipuzkoa < Euskal Herria
Bertsolarismo
- Principal dedicación
- Bertsolari
- Dedicaciones
-
Profesor/a de bertsolaritza Juez - Jarduerei buruzko azalpenak
- Txapelketa eta sariketetako partaidetzak:
Gipuzkoako Eskolarteko Bertsolarien Txapelketa: 1981 (txapelduna, txikien mailan); 1982 (finalista); 1983 (finalista); 1984 (finalista); 1985 (finalista). Idatzizkoan aipamena: 1981, 1982 eta 1985.
Euskal Herriko Bertsolari Txapelketa Nagusirako Gipuzkoako sailkapena: 1988.
Pernando Amezketarra Herriarteko Txapelketa: 1985 (Arrasate: Danel Goikolea eta Felix Iñurrategirekin)
Leniz bailarako bertso txapelketa (Apotzaga, Eskoriatza): 1984, 1985 (bertso onena), 1987, 1988 eta 1989 (txapeldunordea).
Lizardi saria (Zarautz): 1983, 1984, 1985 (txapeldunordea) eta 1986.
Xenpelar saria (Errenteria): 1983 (txapeldunordea), 1985 eta 1987 (txapeldunordea).
Osinalde saria (Gabiria): 1986 eta 1989.
Oñati eta Leinzko bertsolarien arteko txapelketa (Oñati): 1988
Epaile:
Gipuzkoako Herriarteko Bertsolari Txapelketa: 1999
Euskal Herriko Bertsolari Txapelketa Nagusiko Gipuzkoako kanporaketa: 2001
Euskal Herriko Eskolarteko Bertsolari Txapelketa: 1995
Xenpelar saria (Errenteria): 1996
Emilio Urzelai bertso sariketa (Oñati): 1996
Bertsolaritza irakasle, haurren bertso-eskoletan:
Hendaia, Miarritze, Uztaritze, Kanbo eta Mauleko ikastoletan (1994-1996)
Datos biográficos
- Biografía
- Arrasaten (Gipuzkoa) jaio zen 1967ko irailaren 4an; bertso giroan ezagunagoa da Izarzelaia deituraz. Arrasateko ikastolan eta Almen ikastolan (Eskoriatza) ikasi zuen batxilerra amaitu arte. Irakaskuntza ikasketak egin zituen gero (EHU, Donostia), ondoren Nekazaritza goi-zikloa (Lanbide heziketa, Iruñea) eta, azkenik, Antropologia lizentziatura (EHU, Donostia). Bi seme-alabaren aita, Gasteizen (Araba) bizi da. Derrigorrezko Bigarren Hezkuntzako irakaslea da.
Patxi Goikolearen auzokoa zen, eta honek eraman zuen Almeneko taldera. Hauek Aretxabaletako Kirol Etxean Joxe Agirre eta Joxe Lizasoren saio batean egin zuten bertso-antzerkitxoak eta han sortutako giroak kateatu zuen guztiz bertsoarekin. Urte gutxira, Aretxabaletaklo Kirol Etxean egin zuen berak ere, Danel Goikolearekin, jendaurreko lehen saioa, Patxi Goikoleak prestatutako bertsoak kantatuz.
Almen ikastolan Joanito Akizuk, Patxi Goikoleak eta Xanti Iparragirrek abiatu zuten bertso-eskola aitzindariko lehen taldeko kidea izan da Iñaki, Jon eta Aitor Sarasua anaiak, Arantzazu Loidi, Felix Iñurrategi, Luis Mari eta Jenaro Gabilondo anaiak, Danel Goikolea eta beste hainbatekin batera. Talde horrek egin zuen ibilbideari jarraitu zion: Almen ikastolako geletatik Apotzagako Hauzo Etxe elkarteko bertso-eskolara, jendaurrera ohitzeko bertso zaharrak kantatuz herriz herriko ibilia gero, eta, azkenik, bat-baterako jauzia Gipuzkoako Eskolarteko Bertsolari Txapelketan.
1981eko maiatzean kantatu zuen lehen aldiz bat-batean jendaurrean, lehenengo Gipuzkoako Eskolarteko Bertsolari Txapelketan, eta bera izan zen txikien mailako (13-14 urte artekoak) lehen txapelduna; 13 urte zituen. Hurrengo bost urtetan, garaiko Eskolarteko Txapelketa, sariketa eta han-hemen sortzen zitzaizkien saio ugarietan hartu zuen parte. Garai mugituak bizitu zituen. Hala gogoratzen du: "Igande goizean autobusa hartzen genian Zumarragara joateko, eta gero handik, bai trenez edo bai berriro autobus bat hartuta beste herriren batera... Urte haiek ez nizkikek salduko inondik ere".
Nekazaritza ikasketak egitera Iruñera (Nafarroa) joan zenean, Felix Iñurrategirekin batera, elkarrekin bizi ziren, Zaldiko Maldiko elkarteko bertsozale taldera bildu zen eta Nafarroko bertso zurrunbiloan murgildu zen.
1988an Bertsolari Txapelketa Nagusirako Gipuzkoako Kanporaketan parte hartu zuen, baina ez zuen sailkatzerik lortu. Poliki-poliki plazako jarduna uzten hasi zen -1991erako utzia zuen- eta bertsolaritzaren baitako beste eginkizun batzuk betetzen. Bolada batean Baionan (Lapurdi) bizi izan zen, eta Bertsularien Lagunak Elkartearen bertsolaritza ikastetxetan sartzeko programan jardun zen Hendaia, Uztaritz, Miarritz, Kanbo eta Mauleko ikastoletan (1994-1996). Gipuzkoako Herriarteko Txapelketan (1999) eta Txapelketa Nagusirako Gipuzkoako kanporaketan (2001) epaile izan zen, eta baita Eskolarteko Txapelketa eta sariketa batzuetan ere.
2024ko apirilaren 28an, Almeneko haur bertso-eskola haren sorreraren 50. urteurrenean, aitzindaritza aitortuz eta eskertuz, Gipuzkoako Bertso-eskolen Eguna antolatu zuen Aretxabaletan Gipuzkoako Bertsozale Elkarteak.
Comienzos en el bertsolarismo
- Lehen plaza
- Gipuzkoako Eskolarteko Bertsolari Txapelketa, Donostia, 1981