BDB Bertsolaritzaren datu-basea

Kantagintzaren inguruko gogoetak irakurriko dituzu liburu honetan, baina ez edozelako kantu mota aintzat hartuta. Idazleek idatzitako letrekin sortutako kantuak, literaturak eta musikak eskuz esku sortutako piezak, horiek soilik izango dira liburu honetan aintzat hartuko direnak.

Zein harreman du kantatzen dugunak gure izaerarekin? Zenbateko eragina du entzuten dugunak gure diskurtsoan? Zeintzuk dira gure erreferenteak? Zergatik irauten dute kantu batzuek gure gogoan betiko iltzaturik? Gure euskaltasunean zenbat zor diogu literaturaren eta musikaren lankidetzatik sortutako kantagintzari? Zergatik ez dugu kantatu emakumeek idatzitakorik? Inork kantatu ote dio bere hizkuntzari euskaldunok baino gehiago? Eta bihar, zeri kantatuko diogu?

Galdera horiei erantzun guran harilkatutako gogoetek hasi eta buka zeharkatzen dute liburu hau. Iraganetik gaur egunera, iraganetik etorkizunera begiratuta, garapen bat iradokiz, aldaketen gakoei buruzko hausnarketak mahaigaineratuz. Iturria: Argitaratzailea.

Hitzaurrea: bertako idazle baten letrak, Andoni Tolosa Morau ...11
Irakurleari ...19
Galtzaile izatearen kontzientzia kolektiboa ...27
Behin irabazi genuen ...28
Mendeetako eskaria ...32
Galtzen jakin behar da ...33
Kantatua izateko ...39
Koblakariak behar ditugu ...42
Gerra batasun nazionalerako ...54
Poesiaren hutsa ...57
Zergaitik egin zuen huts Euskaldunak proiektuak? ...65
Gerrako kantuak ...70
Erbestetik herriminez ...75
Kolonizazio kulturalari galga ...82
Zertarako bat duelako ...85
Euskal kantagintza berria, berriz ere ...93
Sorkuntzaren libertateaz ...114
Euskarak biziraun dezan kantatu ...127
Kontrakultura eta epika ...135
Aniztasuneranzko trantsizioa ...142
Berrasmatu behar ditugunak ...153
Euskaraz kantatu, ez euskarari ...162
Nor bere publikoaren xerka ...165
Genero ikuspegiak dakar iraultza ...166
Bibliografia ...175