Bertsos - Voir fiche Pour savoir plus sur cette section
2011-04-15 Donostia Berezia [Bertsoa] / Jokin Labayen, Arkaitz Oiartzabal "Xamoa"
Bertsoa entzun |
2011-04-15 Donostia Berezia [Bertsoa] / Jokin Labayen, Arkaitz Oiartzabal "Xamoa"
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
J. Labayen:
Aizu erromantiko
batzuk dirudigu
leku honetan beti
elkartzen gara gu
eta horrexegatik
animoik ez galdu
beste lau urte azkar
pasako zaizkigu. (bis)
Xamoa:
Ta horren testigua
izango zara zu
nola lau urteetan
ein didazun kasu
lehen olatu bat galde
ikur bat zen aizu
ta lau urteren bueltan
erantzun didazu. (bis)
J. Labayen:
Nik erritmo lasaia
barruan sobera
ta hori ez da izaten
sekula kaltera.
Nik erantzuteko zain
lau urte aurrera
nahi baduzu egidazu
hurrengo galdera. (bis)
Xamoa:
Sumatua dut zure
eskuan dardara
lehen pentsatua dut
"Nerbioso da jada"
eta ondorenean
esku hau dut hara
baino azkenerako
nire bihotza da. (1) (bis)
J. Labayen:
Une hau gustatzen zait
gero ta gehiago
hemen ez naiz sentitzen
sekula arraro.
Azkenerako bihotz bat
bihurtu da akabo!
Orduan zure bihotza
izerditan dago. (bis)
Xamoa:
Nolako jarioa
ta nolako patsa!
Zugana iristea
nuen esperantza.
Nahiz eta hartu dugun
bi maitalen antza
noiz igo behar zaizu
marea gorantza? (bis)
J. Labayen:
Benetan gustatzen zait
zure begirada
nahiz orain sortu didan
kristoren ikara.
Nere marea gorantz
etorri da hara
ta zu olatu azpian
sartuko al zara? (bis)
Xamoa:
Nahiz ta sartzeko egin
hamaika errezu
ez pentsa nagoenik
hortarako kexu
ba sartu egingo naiz
pentsa dezakezu
hortarako trajerik
ekarri badezu. (Bis)
J. Labayen:
Hori trajerik gabe
eiten da ospera!
Kauenlaletxe donostiar
hauek keba! keba!
Hobe dugu joatea
gu biok etxera
edota nahi baduzu
helau bat jatera. (bis)
Xamoa:
Hemengo jaien gisan
ez da hain arraro
baina ez nago helatu
horien esklabo.
Ez gerala iritsiko
dago klaro-klaro
probintziano hauekin
deus onik ez dago. (bis)
(1) Eserita eta elkarri eskua emanda kantatu zuten.