Bertsos - Voir fiche Pour savoir plus sur cette section
2011-10-06 Gasteiz Jaialdia [Bertsoa] / Arkaitz Estiballes, Julio Soto
| Bertsoa entzun |
2011-10-06 Gasteiz Jaialdia [Bertsoa] / Arkaitz Estiballes, Julio Soto
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
J. Soto:
Baino baino zer zabiltz
ze eske ze near?
Tortilla patatas bat
egiteko bihar
ahaztu behar dituzu
Michelin ta izar
arrautzak ta patatak
baino ez dira behar. (bis)
A.Estiballes:
Horrek ondo egiten
ditugu egundaino
baina aldaketa bat
behar dugu joño!
Arrautzak ta patatak
ondo daude baino
bezero denak daude
arrautzetaraino. (bis)
J. Soto:
Barrakoari esne
katilu petxea
ta zu sukaldaria
izar bat zer zea?
Bezeroek ez lukete
izango letxea
bazeneki egiten
arroz con lechea. (bis)
A.Estiballes:
Hori ere badago
epel eta bero
baina aldatu behar
genuke honezkero
arroz a la cubana
solomoa gero
hemen menu berdina
dago egunero! (bis)
J. Soto:
Hori ez da egia
ez zazu flipatu!
Gaur kontsomea zegoen
hartu ta ahoan sartu!
Nahi baduzu ikasi
edo estudiatu
Karlos Argiñanoren
liburua hartu. (bis)
A.Estiballes:
Solomoak prijituta
jadanik ordu bi
arroz a la cubana
ta arroza zuri!
Jatetxeak ardura
ote dizu zuri?
Honek gaztetxeetako
bazkaria dirudi! (bis)
J. Soto:
Klaro soltero zaude
ta bihotzak taupa
ta arroz a la cubana
zaunka eta zaunka
cubana ta cubana
ta nausian aurka
arroz a la cubanak
lelotuta zauzka. (bis)
A.Estiballes:
Formatu egin behar da
ahal dela jentea
ta hortarako nahi nuke
hara joatea.
Zer esango dizut ba
ai jefe maitea?
Zeuk jaten ez dozuna
besteek jatea. (bis)
J. Soto:
Zuk joan nahi zenuke
izarren taldera
oraingo diru eske
oraingo galdera
ta zuri erantzuna
luzatu aldera:
goseak nago eta
segi sukaldera! (bis)
A.Estiballes:
Baina aldaketa bat
beharko dugu guk
eta Donostiara
joatearen truk
monarkia beti maite
izan duzunez zuk
Letizian autografoa
ekarriko dizut. (bis)