Bertsos - Voir fiche   Pour savoir plus sur cette section

2013-10-13 Altsasu Txapelketa [Bertsoa] / Erika Lagoma, Xabier Silveira

Bertsoa entzun  

Information genérale

Kategoria
Bat-batekoa
Représentation Périodique (Saioarena)
Bertsolari Txapelketa Nagusia (16. 2013)
Représentación
2013-10-13 Altsasu Txapelketa
Gai-emailea
Iriarte Iribar, Iker
Bertsolaris / Auteurs
Lagoma, Erika
Silveira, Xabier
Exercice
Binaka gaia-emanda
Sujet proposé
Zuk, Xabier, Erikari eskatu zenion zure ezkontzako bideoa egiteko. Gaur bideoa entregatu dizunean ikusi duzu kasik ez zarela bideoan agertzen.

Description

Date
1970-01-01
Air
Nere senarrarekin I
Nom de la strophe
Zortziko txikia (hg) / Lau puntuko txikia (ip)
Bertso kopurua
6

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

Publication renseignement

Argitalpenaren izenburua
[Liburua]

2013-10-13 Altsasu Txapelketa [Bertsoa] / Erika Lagoma, Xabier Silveira

Nom de la strophe:  Zortziko txikia (hg) / Lau puntuko txikia (ip)  Argitalpenaren izenburua:  [Liburua]
Localisation:  XDZ - Xenpelar Dokumentazio Zentroa 


X. Silveira:
Aurretik imajina
nezake hauxe bai
maiz erran baitidazu
konfiantzan lasai
ez naizela senar on
bat izateko gai
ta arrastorik ez al
zenuen utzi nahi? (bis)

E. Lagoma:
Zortea dut Xabierrek
gaur ez banau hiltzen
hasi naiz amorrua
ta oihuak biltzen.
Ikasi beharko zenu
lasaio bizitzen
objetiboan ez zinen
osorik kabitzen. (bis)

X. Silveira:
Hautsi ditut hainbeste
lege eta arau
joan ez naizen lekuak
ere mila ta lau.
Jendeak esango du
inoiz bistan banau:
“Bere ezkontzara’re
ez zen azaldu hau”. (bis)

E. Lagoma:
Hori autokritika
a ze izpiritu!
Umore onak beti
alde onak ditu.
Bere ezkontza’re ez zen joan
joder ze delitu!
Lasai jendeak ongi
ezagutzen zaitu. (bis)

X. Silveira:
Ezagutzen nau baino
kanpotik bakarrik
barrutik ez baitaukat
hain joera txarrik.
Ezkontzaz inoiz banaiz
aspertu samarrik
hontan ez dut izango
dibortzio beharrik. (bis)

E. Lagoma:
Hortan jarraitu zazu
zuk burua altu
eta txikikeri hau
egin zazu ahaztu
baina zuk ere egin
duzu gaur pekatu
oraindik ez didazu
soldata pagatu. (bis)