Bertsos - Voir fiche   Pour savoir plus sur cette section

2013-11-09 Gernika-Lumo Txapelketa [Bertsoa] / Nerea Elustondo, Jone Uria Albizuri

Bertsoa entzun  

Information genérale

Kategoria
Bat-batekoa
Représentation Périodique (Saioarena)
Bertsolari Txapelketa Nagusia (16. 2013)
Représentación
2013-11-09 Gernika-Lumo Txapelketa
Gai-emailea
Mandaluniz, Bernardo
Bertsolaris / Auteurs
Elustondo, Nerea
Uria Albizuri, Jone
Exercice
Binaka gaia-emanda
Sujet proposé
Kale-garbitzaileak zarete. Gaurko greba-deialdian gutxieneko zerbitzuetan lan egitea egokitu zaizue.

Description

Air
Nafarroako mendi gainetan
Nom de la strophe
Zortziko handia (hg) / Lau puntuko handia (ip)
Bertso kopurua
6

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

Publication renseignement

Argitalpenaren izenburua
[Liburua]

2013-11-09 Gernika-Lumo Txapelketa [Bertsoa] / Nerea Elustondo, Jone Uria Albizuri

Nom de la strophe:  Zortziko handia (hg) / Lau puntuko handia (ip)  Argitalpenaren izenburua:  [Liburua]
Localisation:  XDZ - Xenpelar Dokumentazio Zentroa 


J. Uria:
Borrokatzeko nahiz sobran dugun
arrazoia eta grina
hau da patua borrakatu nahi
ta borrokatu ezina.
Guri tokatzen zaigu garbitzen
itxuraz kale ixkina
kontzientzia dut jaso behar dugun
kalea bezain zikina. (bis)

N. Elustondo:
Kontzientziak izaten dira
norberarenak, libreak
baina begira zaborrez bete
daude kontenedoreak.
Defendagarri izanagatik
guztion eskubideak
besteenak hasten diren lekuan
bukatzen dira gureak. (bis)

J. Uria:
Ta muga hoiek ez haustekotan
guretzako da zigorra
goiko batzuen agindupean
gure ekintza derrigorra.
Ustez zerbitzu minimoekin
ona egin dute obra
ohartu gabe eurak direla
gizarte honen zaborra. (bis)

N. Elustondo:
Eta kiratsik ere aterako
ez balukete sikira
alaiagoa litzake zure
ta nere arteko jira.
Ipini zara poltronetako
zabor pilari begira
guk errefustzat tratatu arren
berziklagarriak dira. (bis)

J. Uria:
Bueno Nerea Bizkaia aldean
berdina da dena hemen
guk ez ditugu hoiek bereizten
ta barka zaidazu, ejem!
Halan da ere nabari dadin
zeren alde ari garen
badaezpada jaso dezagun
ahalik eta gutxien. (bis)

N. Elustondo:
Ba bai horrekin ados nago ni
esaten dezun antzera
eskobarekin ez gera joango
zabor guztiak biltzera
ta babes gabe gera ez dadin
gure kide denen greba
egin dezagun iraultzatxoa
goazen kafe bat hartzera. (bis)