Bertsos - Voir fiche Pour savoir plus sur cette section
2013-11-10 Tolosa Txapelketa [Bertsoa] / Igor Elortza
| Bertsoa entzun |
2013-11-10 Tolosa Txapelketa [Bertsoa] / Igor Elortza
Nom de la strophe:
Hamarrekoa, handiaren moldekoa, 10 puntuz (hg) / Hamar puntukoa, handiaren moldekoa (ip)
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
Ikastolako ipuinak beti
erakargarri niretzat.
Gaur entzun ditut otsoen kontu
eta basotako ertzak.
Orain hemen naiz neure ohean
eta akorduak datoz oldean
hartz txikitxo bat kidetzat
ahizpa bat edo neba txiki bat
edukiko banu behintzat!
Baina ez dakit nola etorriko
zaizkidan gaurko ametsak.
Ate azpiai nago begira
agertuko al da argi dirdira?
Gau ilunak eta beltzak
arrisku dira haurrentzat.
Oraingoz hor da argia eta
ahaztu dut buruhaustea
ez baitut maite jeiki beharra
eta berriro neuk piztea.
Baina entzun dut gero zarata
korridorean pare bat hanka
antza hor dabil bestea.
Komunean txis egin du eta
bueltan doa desastrea
behin eta berriz ahazten duena
bere alabaren eskea.
Nahiz ta lehenago jardun kantari
berriz gertatu zaio aitari
burua joan ta ahaztea
argia martxan uztea.
Jeiki naiz eta korridorera
berriz piztera joatean
sentimentuak, nahiak ta kezkak
hazi zaizkit jo ta kean
ta horregatik esan dut “Listo!
Atzo ere egin nuen ze kristo!
berriz hemen naiz atean”.
Nire hartzatxoa hor eraman dut
pausuz pausu besapean
sartu beraien logelan eta
oraintxe nago bakean.
Gustora egingo dut hemen lo-lo
ahaztuta mamu eta mozolo
babesleku eder batean
aita ta amaren artean.