2013-11-24 Donostia Txapelketa [Bertsoa] / Jon Martin, Aitor Sarriegi

Jon, Aitor aspaldiko lagunarekin geratu zara bazkaltzeko. Ordu-erdi baino ez daramazue elkarrekin, eta dagoeneko bost aldiz jo dio telefonoak Aitorri, eta oraingoan ere hartu egin du deia.

Description

Air

Dama gazte xarmant bat

Nom de la strophe

Zortziko txikia (hg) / Lau puntuko txikia (ip)

Bertso kopurua

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

Publication renseignement

Argitalpenaren izenburua

[Liburua]

2013-11-24 Donostia Txapelketa [Bertsoa] / Jon Martin, Aitor Sarriegi

Nom de la strophe: Zortziko txikia (hg) / Lau puntuko txikia (ip) Argitalpenaren izenburua: [Liburua]
Localisation: XDZ - Xenpelar Dokumentazio Zentroa

J. Martin:
Korrika bizi zera
korrika, presaka
gaurkoz mobilak eman
dizu nahiko lata
bateko deia eta
bestetik whatsapa
bazkaria badaukat
konpainia falta. (bis)

A. Sarriegi:
Nik badet konpania
mugikorrarentzat
ondo hartu ezkero
zure hitzen ertzak.
Orduerdi hartu det
gaurkoan zuretzat
pixka’t hartu det eta
lasai egon behintzat. (bis)

J. Martin:
Lehen elkartzen ziren
horrenbeste lagun
gehienez urrutiko
jendeai bi gutun.
Hara teknologiak
nola jarri gaitun:
urrunekotik gertu
gertukotik urrun. (bis)

A. Sarriegi:
Jon ni jadanik ez naiz
lehengo mutil hura
ta Diputazioan
daramat Kultura.
Egon behar zenuke
nerekin gustura:
hogeita lau orduan
zuen zerbitzura. (bis)

J. Martin:
Nere zerbitzutara
ipina zara zu
baina inkultura zuk
handia daukazu
ez dakit nola egin
behar didazun kasu
telefonoz deituta
hartuko al didazu? (bis)

A. Sarriegi:
Konfiantza handirik
ez izan trastean
ni nago adar jotzen
zabiltzan ustean.
Orain bilera bat dut
lauak ta bostean
geldituko al gera
datorren astean? (bis)

BDB Bertsolaritzaren datu-basea

Bertsos - Voir fiche Pour savoir plus sur cette section