Bertsos - Voir fiche Pour savoir plus sur cette section
2005-11-11 Ataun Jaialdia [Bertsoa] / Maialen Lujanbio
| Bertsoa entzun |
2005-11-11 Ataun Jaialdia [Bertsoa] / Maialen Lujanbio
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Ze esan bada txapelketa horrek
kontua dakarrenean;
erantzun errez da baiezkoa
iristen da aurrenean.
Baina nik ezetz erantzun nahi det
modu egoskorrenean;
txapelik ez dun txapeldun asko
dauzkagu ingurunean
nolabait baleukate bezela
txapela buru barnean. (bis)
Ez da topiko huts ta eskas bat
baizik bi hitz egiazko;
bertso ingurura begiratzen det
gertukoena dalako;
adibidez hor Joxe Agirre
egin duna plaza pranko;
txapelik ez du sekula santan
irabazi beretzako
txapelduna bat izaten baita
merezi dutenak asko. (bis)
Atzera ez ta aurrera beira
ere bada apurua:
abendurako gutxi falta da
helmuga ta helburua;
nerbio denak dardarka daude
ezer ez da segurua;
irabazi edo ez irabazi
ez da bukatzen mundua;
garrantzitsuna txapela ez da
baizikan eta burua. (bis)