Bertsos - Voir fiche Pour savoir plus sur cette section
2005-08-16 Goizueta Jaialdia [Bertsoa] / Amets Arzallus, Jexux Mari Irazu Muñoa, Maialen Lujanbio, Anjel Mari Peñagarikano
Bertsoa entzun |
2005-08-16 Goizueta Jaialdia [Bertsoa] / Amets Arzallus, Jexux Mari Irazu Muñoa, Maialen Lujanbio, Anjel Mari Peñagarikano
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
A.M. Peñagarikano:
Aspaldi hontan gertatzen dena
hau da hau negargurea!
Ikurrina da asko kostata
hazitako landarea;
nola demontre onartuko da
aurka dagoen legea?
Gizabidea baldin badugu
beti bakoitzai berea
guk ez baitegu hura gorroto
guk maite degu gurea. (bis)
M. Lujanbio:
Ikurrina da azala baina
zerbait badauka atzea:
Euskal Herrian nortasuna ta
berrien euskalduntzea;
barka akaso diskurtso ofizial
betikotik aldentzea
baina aukeran jarriko balitz
bat edo beste kentzea
firmauko nuke sinbolorik ez
ta edukia mantentzea. (bis)
A. Arzallus:
Ikurrina da bateko eta
bandera degu bestea;
garai batean derrigorrean
sartu zen trapu tristea.
Ez al da pena udaletxeak
hortaraino biluztea?
Ez det eskatzen nahi ez duenak
gurea erakustea
baina legeak beharko luke
jarri nahi dunai uztea. (bis)
J.M. Irazu:
Euskal Herriak berez Nafarrun
izan omen zun sorrera
ta orain batzuk ausartu dira
elkarren kontra jartzera;
kostata baina zuek ikurrina
udaletxetik atera
nahiz elkartera begiratuta
eman lezakeen bestera
ikurrina ta umore ona
beti ez dihoaz batera. (bis)