2005-02-25 Elgeta Jaialdia [Bertsoa] / Estitxu Arozena, Sebastian Lizaso

Lizaso aita eta Arozena alaba. Lizaso alkatea da. Azken urteotan herrian etxeak egin eta egin ari dira. Estitxu zerrenda guztietan apuntatu da, baina ez zaio bat bera ere tokatu.

Description

Air

Kantore berri xarmant batzuek

Nom de la strophe

Zortziko handia (hg) / Lau puntuko handia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2005-02-25 Elgeta Jaialdia [Bertsoa] / Estitxu Arozena, Sebastian Lizaso

Nom de la strophe: Zortziko handia (hg) / Lau puntuko handia (ip)
Localisation: XDZ - Xenpelar Dokumentazio Zentroa

E. Arozena:
Nere izena beti eman dut
bateko eta besteko;
adina badut gurasoaren
etxetikan joateko.
Seguru aita aritzen dela
tranpetan denen antzeko
baina ziur berak egiten dula
niri ez egokitzeko. (bis)

S. Lizaso:
Hara alaba zozketarekin
al dezu buruhaustea?
Hori zortean esku dagola
nahi dut adieraztea;
zure morroi ta neskame gara
ni ta nire emaztea;
lehen etxe baten agintzen dezu
zertako dezu bestea? (bis)

E. Arozena: Ez da errexa aitan ahotik
holakoak aditzea
bere ondoan pasatua dut
elkar bizitza luzea
ta mahai gainean jarritakoa
baldin bada agintzea
zuk herri osoan agintzen duzu
zertako duzu etxea? (bis)

S. Lizaso: Udaletxeko langilea naiz
ene alaba maitea
baina hala ere ez dut posible
zorteai eragitea
ta nere esku ez dago ezer
komeni da jakitea:
ni neuk ere poz hartuko nuke
etxetik aldegitea. (bis)

E. Arozena: Zure hitzetan nabaritzen da
gazteekiko inbidia.
Badakit ziur ni joatea
ez litzakeela oparia
poztu egingo zinatekeela
nolako aho haundia!
Negar egingo zenuke eta
ez zen lehenengo aldia. (bis)

S. Lizaso: Barkatu baina orain ez nago
garai bateko trantzean;
sentibera ta malko haundiak
utziak dauzkat atzean.
Ahal baldin bada tranpa pixka bat
eginez udaletxean
etxe berrira ni neu joango naiz
ta zeu gelditu etxean. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section