Bertsos - Voir fiche Pour savoir plus sur cette section
2005-06-29 Lasarte-Oria Jaialdia [Bertsoa] / Andoni Egaña, Igor Elortza
Bertsoa entzun |
2005-06-29 Lasarte-Oria Jaialdia [Bertsoa] / Andoni Egaña, Igor Elortza
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
A. Egaña:
Aspalditxoan amets gaiztotan
nere bekokia blaitu;
zoritxarrean momentu onik
inun ezin det usaitu;
pentsatzen nuen "Andrea ta ni
sexuak batuko gaitu"
ta andreak "Segi" esanez gero
ia ezin det jarraitu.
I. Elortza:
Ta garai baten izan al zinen
sexu kontuetan maisu?
Hitz okerren bat esanez gero
deskalabruen abisu
"Segi" ta "Jarrai" entzun ezkero
gaizki omen zabiltza zu
txoritxoari "Haika" esan ta
lurrera jausiko zaizu.
A. Egaña:
Garai batean munduko jabe
izan nintzan baldinbaite;
orain haizeak aldatu dira
eta inork ez nau maite;
leheno lagunak millioika nitun
orain ia ez det bat'e
eta dauzkadan lagun apurrek
hika egiten didate.
I. Elortza:
Lagunek hika egiten dute
ta zuk orduan algara;
gauetan berriz beldurrak zaude
zu joateko lotara.
Terapia lez proposamen bat
egin behar dizut hara:
zer ba ez zoaz lo egitera
aislamentu zeldetara?
A. Egaña:
Horretaraxe etorri naiz ni
azkenean lortu tira;
sospetxosoen itxura dauka
jarri ezkero begira:
anarko beltza oinetakotan
pasatzen zaio gorrira...
Euskal Herriko psikologoak
sarearen parte dira.
I. Elortza:
Nire itxurak goitik beheraino
hemen aztertu dituzu
eta pentsatu aker beltzari
eman diodala muxu;
teori baten hasi zinen ta
gero hainbeste abusu;
dena deabrua ikusi ezkero
barruan izango duzu.