Bertsos - Voir fiche   Pour savoir plus sur cette section

2007-07-29 Getxo [Bertsoa] / Andoni Egaña, Iratxe Ibarra

Information genérale

Kategoria
Bat-batekoa
Représentación
2007-07-29 Getxo
Gai-emailea
Iarritu, Zuriñe
Bertsolaris / Auteurs
Egaña, Andoni
Ibarra, Iratxe
Exercice
Binaka gaia-emanda
Sujet proposé
Atzo gauera arte lagunak izan zarete. Atzo gauean zerbait gertatu da lagunez gainerakoa. Oraintxe itzartu zarete, eta kopletan hasi.

Description

Air
Kontu barri bat suzedidu da II
Nom de la strophe
Lauko handia (hg) / Bi puntuko handia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Bapatean Bilduma

2007-07-29 Getxo [Bertsoa] / Andoni Egaña, Iratxe Ibarra

Nom de la strophe:  Lauko handia (hg) / Bi puntuko handia (ip) 
Localisation:  XDZ - Xenpelar Dokumentazio Zentroa 


A. Egaña: Sei gin-tonic ta sei kalimotxo
eztarrira zuzen-zuzen
horrexegatik ez dut gogoan
atzo gauez zer pasa zen.

I. Ibarra: Orain artean zu izan zaitut
nik Andoni lagun-mina
orain laguna ez dakit baina
hemen sentitzen dot mina.

A. Egaña: Hori entzunda ni geratu naiz
ai Iratxe harrituta:
atzo gauean lo hartu al nuen
sorbaldan apoiatuta?

I. Ibarra: Disimulatzen disimulatzen
egiten dozu zuk jolas
esan egizu zeuk nahi dozuna
ni danaz akordetan naz!

A. Egaña: Ba nik deus ere ez dut gogoan
nahiz eta izan itsusi
zer gertatu zen zeuk konta neri
baina detaile ta guzi.

I. Ibarra: Esan dozuna sinistu ezinik
oraintxe nago Andoni
hogei urtegaz bale baina orain
ez jaku hori komeni!

A. Egaña: Ez daukat ezer neure buruan
Iratxe hau da egia
bestetan beti ateratzen dut
nere beste aurpegia.

I. Ibarra: Nik bi berbatan esango deutsut
atzo pasau zana lagun:
bertsotan hasi ginen tarbernan
ta ohean amaitu gendun.

A. Egaña: Ohearena egia al da?
Ene hau desastrea, ai!
Konpromisario izanagatik
konpromisorik ez det nahi.

I. Ibarra: Beste detaile txiki bategaz
ulertuko dozu errez:
beste txapel bat jantzi zenduan
betiko txapelan partez.

A. Egaña: Atzo gauean egin al nintzen
beraz kondoiaren jabe?
Seguru asko edukiko det
oraindikan kendu gabe.

I. Ibarra: Ez dozu kendu beraz oraindik
zeuk esan dozu ta kasu
ba hori hortik kendu artean
konpromisoa daukazu.

A. Egaña: Baina zentratzen lagun zaidazu
ai Iratxe lagun maite!
Denbora pixkat eman zaidazu
hurrengo San Pedro arte!

I. Ibarra: Segi ezazu ba bertsoagaz
ez emon goragalea!
Horixe baita azken finean
zuk nahi dozun maitalea