Bertsos - Voir fiche Pour savoir plus sur cette section
2008-04-12 Getaria (G) Jaialdia [Bertsoa] / Ainhoa Agirreazaldegi
Bertsoa entzun |
2008-04-12 Getaria (G) Jaialdia [Bertsoa] / Ainhoa Agirreazaldegi
Nom de la strophe:
Hamabiko handia (hg) / Sei puntuko handia (ip)
Localisation:
XDZ - Xenpelar Dokumentazio Zentroa
Herri horretan ikus liteke
pasadizoen ilada
bizi nahi duen herri txiki bat
Kuba besterik zer da ba?
Baina azkenaldin ez dute bizi
oso gorako bolada
gazte jendeak gehiegi dauka
Europarantz begirada.
Etorkizuna asmatu ezinik
sentitzen dudan ikara...
Guk beraiengan dugun fedea
eraman nahi dut bertara. (bis)
Kuban badute etxekoentzako
behar duten aina jaki
gutxi horrekin ondo bizitzen
asmatzen dute galanki
eta ez dute zertan goizero
gauza haundirik erabaki.
Ze gauza gehio eskatu leike
horrelako herri bati?
Euren parrea ekarri nahi dut
irripartsu daude beti.
Gu ez ginake horren tristeak
parre egiten bageneki. (bis)
Ez haientzako ez guretzako
ez datoz errex garaiak
etorkizuna asmatu nahian
ez daude barru lasaiak.
Baina oraindik ez dira heldu
agurrak eta amaiak
guztiok gara gure herriko
harri haundien itzaiak.
Elkarrengandik ikasteak'e
gainditu ditzake nahiak:
haiek hegalak behar dituzte
eta guk berriz sustraiak. (bis)