2008-03-14 Bilbo Sariketa [Bertsoa] / Arrate Illaro Etxebarria, Arkaitz Zipitria

Neba-arrebak zarete. Zuen ahizpa nagusiak umetxo bat eduki du eta gaur jagoteko eskatu dizue. Negarrez hasi da txikitxoa, eta zuek elkarri begira geratu zarete.

Description

Air

Zeru altuan zegoen Jaunak

Nom de la strophe

Zortziko handia (hg) / Lau puntuko handia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2008-03-14 Bilbo Sariketa [Bertsoa] / Arrate Illaro Etxebarria, Arkaitz Zipitria

Nom de la strophe: Zortziko handia (hg) / Lau puntuko handia (ip)
Localisation: XDZ - Xenpelar Dokumentazio Zentroa

A. Zipitria: Gure arrebak gaurko honetan
jarri digu kriston tranpa
ta bapatean gure iloba
hasi zaigu zarataka.
Hobe zenuke zuk hurbiltzea
eta nigandik pasata
biharko egunean toki berean
Arrate egon ahal zara-ta.

A. Illaro: Umeak berdin jarraituko du
zure berba bakoitzeko
eta mesedez eskatzen dizut
zure ahoa ixteko!
Ahoan peta ta inguruan
kea dragoien antzeko...
Nik banekien gazteegia
zela mamuek zaintzeko.

A. Zipitria: Gure iloba guk geuk zaintzeak
sortzen zidan bai zirrara
baina gu orain bakar-bakarrik
etxean gelditu gara
ta umetxoa negarrez dabil,
Jode! zelako dardara!
Ahal dudanean egin behar dut
nik hemendik eskapada.

A. Illaro: Ahizpak semea eduki zuen
eta guk zaindu beharko.
Arkaitz izena pentsatu zuen
bere neba zarelako.
Agian tripak ez ditu izango
guk uste bezain edarto
edo agian negarrez dago
zure izena duelako.

A. Zipitria: Eskatu zigun mesedez arren
gure iloba zaintzeko
ta pentsatzen dut hau ikusita
"Gu tontoak gara konpleto!".
Soluzio bat oin topatzea
Arrate ez duzu usteko?
Koadrilarekin taberna baten
nengoke askoz hobeto.

A. Illaro: Beti parrandan ta azkenean
oiloak izan du txita.
Arrazoi duzu azken finean
nago gaizki iritzita.
Ama bihurtu baldin bazaigu
etorri dadila ti-ta!
Berriro ez da parrandan joango
Arkaitz gurekin utzita!

BDB Bertsolaritzaren datu-basea

Bertsos - Voir fiche Pour savoir plus sur cette section