Bertsos - Voir fiche Pour savoir plus sur cette section
2008-11-07 Ataun Jaialdia [Bertsoa] / Aitzol Barandiaran
Bertsoa entzun |
2008-11-07 Ataun Jaialdia [Bertsoa] / Aitzol Barandiaran
Nom de la strophe:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localisation:
XDZ - Xenpelar Dokumentazio Zentroa
Eskua da besoaren
muturrean dan laguna
sarri eman sarri heldu
hori da bere jarduna
merezi baino gutxigo
estimatu ohi deguna.
Begira jarriz hor dago
bai bizitza, maitasuna...
Sarri zabal eukitzen det
eta bilduta hurruna
eskuetan irakurtzen
delako etorkizuna. (bis)
Zerbaiti heldu nahi horrek
badauka nahiko balore
batzutan dena da polit
batzutan dena dotore
baino ez det nahiko ausardi
ni saiatu ohi naiz orde.
Nere eskuak badauka
nahiko balio, ohore...
Zerbaitez seguru banaiz
zergatik bestea gorde?
Zerbait benetan nahi badet
biekin heltzea hobe. (bis)
Azkenen esku bat zer da?
Hezurra eta azala.
Eskumutur bat fin-fina
ta soberan azkazala
baina badu balio bat
beste gauz asko bezala
alde batetik argia
eta bestetik itzala.
Nik luze-luze jarrita
hortxe utziko det hala
eta norbaitek nahi badu
bertatik hartu dezala. (bis)