Bertsos - Voir fiche Pour savoir plus sur cette section
2009-09-04 Alkiza Jaialdia [Bertsoa] / Maialen Lujanbio
2009-09-04 Alkiza Jaialdia [Bertsoa] / Maialen Lujanbio
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Taberna baten izan liteke
barra ertzean ederki.
Bi lagun ari dira mintzatzen
goxo, emeki-emeki.
Gehiagorako gogoa ere
igual sartzen zaio bati
erasotzen du zapaltzen du ta
bestea dago dudati...
Tono askotan esanagatik
esanahi bera du beti. (bis)
Beste batzutan ideia bera
da bi lagunen burutan
izarapean bukatzen dute
gusto gozoko burrukan:
batek laztandu gero igurtzi
muxuka eta zurrupan
lepa ertzetik gorantza joan
ta hitz belarrian puntan.
Ezezko goxo-goxo batek hor
bai esan nahi du batzutan. (bis)
Baina normalki arriskutsugo
izaten dira tabernak
hango burrundak hango alkoholak
nahasten baikaitu denak.
Izarapeko jolas hoiek ez
hoiek ez dira problemak
monosilabo bi: bai eta ez
ta ze alde nabarmenak!
Bi hoiek ondo bereizten ditu
entzuten badakienak. (bis)