Bertsos - Voir fiche Pour savoir plus sur cette section
2009-07-24 Aia Jaialdia [Bertsoa] / Sebastian Lizaso, Anjel Mari Peñagarikano
| Bertsoa entzun |
2009-07-24 Aia Jaialdia [Bertsoa] / Sebastian Lizaso, Anjel Mari Peñagarikano
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
S.Lizaso:
Tokatu zaigu hainbat urtean
elkarrekin kantatzea
tokatu zaigu hainbat urtean
biok elkar tentatzea
gaur da azkena gerta daiteke
ustegabeko trantzea:
hainbat urtean sobre ustea
gero faltan botatzea.
A.M. Peñagarikano:
Urte askotan zu izan zaitut
bidelagun eta poza
zein ederra zen aldamenean
Sebastianen ahotsa
berdingabeko bere erasoa
ta bere kolpe zorrotza!
Azken aldia gaur baldin bada
lehertu behar zait bihotza.
S.Lizaso:
Elkar laguntza izana degu
iraupenaren zutabe
tarteka zakar jardunak gera
eta tarteka xuabe.
Ni banijoa, zu jarraitzeko
itxaropenez ez zaude
itsua ez baita zuzen ibiltzen
itsuaurrekorik gabe.
A.M. Peñagarikano:
Zuretzat igual ez da izango
inon itsuaurrekorik.
Lizasongandik apartatzeko
ez det batere gogorik.
Gerora ere nik esango det
legortu ezinik malkorik:
bertsolaririk bat'e ez da izan
Lizaso bezelakorik.
S.Lizaso:
Bion artean pasa ditugu
bajina bat plaza klase
bertsolaritzai eman diogu
irauteko zenbait haize.
Azken bertsoak ni Peña hemen
gehiegi gaur ez nau ase
azken saioa ere gezurretan
lehengo denak bezelaxe.
A.M. Peñagarikano:
"Hi hasi hadi" esaten nion
ta egiten zidan kaso
ta orain berriz beste gazteei
eman behar zaie paso:
Maialen oso-oso ona da
Sustrai ere ona oso
bai baina nere bihotz barnean
beti egongo da Lizaso.