Bertsos - Voir fiche Pour savoir plus sur cette section
2001-04-07 Bilbo Sariketa [Bertsoa] / Peru Aranburu, Etxahun Lekue
2001-04-07 Bilbo Sariketa [Bertsoa] / Peru Aranburu, Etxahun Lekue
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
Aranburu:
Parkatu baina ezin
nuen aguantatu.
Egin beharko dugu
behin betiko tratu.
Beste soluziorik
nik ez dut topatu:
neugatik baino ez bada
fuga preparatu. (bis)
Lekue:
Hemen lo egin dogu
geuk ahal dogun eran,
zarataka ari da
hau alboko zeldan.
Hontaz kexatzen zara
nik ez dakit zelan,
arazo latzagoak
badoguz kartzelan! (bis)
Aranburu:
Gogorrak ditugu bai
hemengo baldintzak,
baina hauxe txarrena
niretzako behintzat.
Beti egurra egon
ei da presoentzat,
baina dispertsiorik
ez al dago honentzat? (bis)
Lekue:
Holango arazorik
nik ez dot gogoan,
hau laguna tokatu
jatana alboan!
Irtenbidea emon
behar dotsut atoan*:
tapoi batzuk erosi
ekonomatoan. (bis)
Aranburu:
Soluzio horrek ez dit
grazirik egiten,
ekonomato hortan
egona noizbaiten.
Ni zelan hasiko naiz
tapoiak erosten,
tabakorako ere
ez bazait iristen! (bis)
Lekue:
Hain tipo artabururik
ez dot sarri ikusi!
Neu portatu behar naz
gaur honen nagusi.
Zuk ekonomatoan
tapoiak erosi
ta tabako kontuak
neure esku itxi! (bis)