2002-04-20 Getxo Sariketa [Bertsoa] / Nerea Elustondo, Ekaitz Goikoetxea

Seme bat daukazuen bikotea zarete. Ekaitz mutila, Nerea neska. Jaurlaritzak ematen dituen diru laguntzak direla-eta, Ekaitzek bigarren umea ekarri nahi du; Nereak ez dauka hain argi.

Description

Air

Dama gazte xarmant bat

Nom de la strophe

Zortziko txikia (hg) / Lau puntuko txikia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2002-04-20 Getxo Sariketa [Bertsoa] / Nerea Elustondo, Ekaitz Goikoetxea

Nom de la strophe: Zortziko txikia (hg) / Lau puntuko txikia (ip)
Localisation: XDZ - Xenpelar Dokumentazio Zentroa

E. Goikoetxea:
Mintzagaia ekarri
nahi nuke honuntza
umeen irria da
bizitzaren funtsa;
beste bat izatera
nahi zintuzket bultza
plazer hutsarengatik
da diru laguntza.(bis)

Elustondo:
Zure eskari hori
apal ta xumea
gauzak adierazteko
heldu da unea.
Jaurlaritza izanik
dirudun gunea
beraiek erdituko
al dute umea? (bis)

E. Goikoetxea:
Proposamena ez dezu
egin nahi etxeko
eta horrek jarri nau
kolpetik trantzeko.
Aspaldi zabiltzanez
nagien antzeko
neska bat behar degu
ontzi garbitzeko. (bis)

Elustondo:
Zure arrazoi hori
Beti-betikoa
zergatik ote zera
horren zinikoa?
Neska bat behar dela
ene Jaungoikoa!
Zuk hortan ikastea
ez al da nahikoa? (bis)

E. Goikoetxea:
Jaurlaritzan legeak
badauka diztira
ta ni bizipozten naiz
beraren argira.
Hori diru mordoa
begira-begira
deskuidoan bixkiak
etortzen badira! (bis)

Elustondo:
Bixkien ideia hori
neri ez zait gustatu
zer gertatu liteken
ez al zera ohartu?
Nahiz ta zure diruak
eurotan kontatu
sei mila irabazi ta
milioi bat gastatu. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section