BDB Bertsolaritzaren datu-basea

Information genérale

Kategoria

Bat-batekoa

Représentación

1998-12-22 Arrasate Jaialdia

Conducteur/trice

Egaña, Andoni

Gai-emailea

Sarasua, Jon

Bertsolaris / Auteurs

Iturriaga, Unai

Exercice

Bakarka gaia-emanda

Sujet proposé

Andoni Egañak pentsatu du Unairentzako bakarkako gaia. Datorren domekan Araba-Bizkaiko Txapelketako finala izango da. Egin dezagun kontu arratsaldeko ordu bi eta erdiak direla eta puntu bategatik Igor Elortza laguna daukazula aurretik; berak eraman du txapela.

Description

Air

Gure aurreko guraso zaharrak

Nom de la strophe

Hamarreko handia (hg) / Bost puntuko handia (ip)

Edukiari buruz

Personnes

Elortza, Igor

Iturriaga, Unai

Représentations Périodiques

Araba Eta Bizkaiko Bertsolari Txapelketa (6. 1998)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

1998-12-22 Arrasate Jaialdia [Bertsoa] / Unai Iturriaga

Nom de la strophe:  Hamarreko handia (hg) / Bost puntuko handia (ip) 
Localisation:  XDZ - Xenpelar Dokumentazio Zentroa 

---

Zorionak Igor benetan ondo
egina baituzu lana,
nahiz ta neronek ere ipini
kartzela hortan afana;
jendeak daki biok aspaldi
lagun eginak garana,
EAJ ta EAkoa lez
gurea paktua dana;
txapela hartu zazu zuretzat
ta saria erdibana.

Beti aurrean ni bezelako
laguna nahiz ta eduki,
bion arteko harreman hortan
beti joan da egoki;
galdu duenak irabazlean
meritua zein dan badaki
ta irabazlea laguna bada
historiak hor bi zati:
lehen Zipi eta Zape ginen ta
orain Zape eta Zipi.

Esaten danez bi lortu ezkero
laster datozela hiru;
oraingo hontan esaera zaharran
kontrakoak dirudigu
ta Arriagako entzule danak
izan ditugu testigu.
Gera ez zaitezen zure txapelan
itzal baltzaren gatibu,
buruan ondo sartu egizu ta
Gipuzkoan defendidu.