Bertsos - Voir fiche Pour savoir plus sur cette section
1998-07-16 Ermua Jaialdia [Bertsoa] / Beñat Gaztelurrutia, Arkaitz Ugartetxea
| Bertsoa entzun |
1998-07-16 Ermua Jaialdia [Bertsoa] / Beñat Gaztelurrutia, Arkaitz Ugartetxea
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Ugartetxea:
Orain artean hauxe izan da
gu anai bion kartzela;
biok mutilzahar geratu gara,
hauxen da marka itzela!
Ta andregairik ezin bilatu
ene anaia motela;
biok batera bizi beharko
orain artean bezela. (bis)
Gaztelurrutia:
Zu ezkontzea izan dut beti
nere barreneko nahia;
bizimodu hau ezin da izan
inolaz ere alaia,
baina pentsatzen jarri ezkero
ikusten dut nahiko zaila;
ardi zaharrekin denbora lartxo
pasatzen duzu anaia! (bis)
Ugartetxea:
Gu elkarrekin biziko gara,
igual geure kalterako;
zuk hala nahiko zenduke baina
ni neu ez naiz aterako;
dena zeuretzat hartu nahi duzu
ta ez dut hartzen aintzako,
hartu ezazu baserria zeuk,
pinadiak neuretzako. (bis)
Gaztelurrutia:
Egia esan gure anaiak
aurpegi gogorra dauka;
berriro ere jarri behar dut
nik honekin muturtuta;
hitz pozoinduak bidali dizkit
eta nik ostera zaunka,
pinadiekin gelditu nahi du
basoak neuk garbituta! (bis)
Ugartetxea:
Era hontako kasua ez da
oso gutxitan gertatu,
nik pinadiak eskatu eta
anaia berriz kezkatu;
baina ez zara momentu hontan
gauza batetaz ohartu:
baserria neuk konpondu nuen
eta ez zaitez kejatu. (bis)
Gaztelurrutia:
Pena pixka bat ere ematen dit
nere anaiak uneka;
jokaera horrek ipintzen nau ni
goitik behera erreta.
Bakarrik nora joango ote zara
etxetik kanpo barreka?
Detergentea erabiltzen du
fregaua egiteko eta! (bis)