Bertsos - Voir fiche Pour savoir plus sur cette section
2012-08-24 Amezketa Jaialdia [Bertsoa] / Anjel Mari Peñagarikano, Aitor Sarriegi
| Bertsoa entzun |
2012-08-24 Amezketa Jaialdia [Bertsoa] / Anjel Mari Peñagarikano, Aitor Sarriegi
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
A. Sarriegi
Azkenaldian kapritxosoa
bihurtu arren euskalduna
ez dala izan urte askoko
orain arteko jarduna.
Azken batean zer da ba Peña
bizitzeko behar deguna?
Teilatupe bat diru pixka bat
lagunak ta osasuna.
A.M. Peñagarikano
Gora begira zertako egon
handik ze etorriko zai?
Nik emaztea nerekin daukat
seme polit bat ere bai
eta gainera bertso kantari
hor ibiltzen naiz nolanahi
daukatenakin konformatzen naiz
aberatsa ez det izan nahi.
A. Sarriegi
Egia da bai nolanahi gabiltz
tarteka kantari edo
ta kapritxoak bete ezkero
gehiago zertan espero?
Behar haundirik ez da benetan
ondo pentsatu ezkero
eta halere behar berriak
sortzen ditugu egunero.
A.M. Peñagarikano
Gaur bizitzeko gauza ugari
askok behar du beharbada
holakoari nik aspaldian
egin bainion deskarga.
Zertako dira hiru-lau piso
ta ez dakit zenbat karga
bat zoriontsu izango bada
bizipoza izan behar da.
A. Sarriegi
Baina egiak esaten hasi
beharko genuke bela
furgoneta bat afaritxo bat
edo Interneta bestela.
Nahiz ta gu hemen hizketan ari
oso austero bezela
nik onartzen det horiek gabe
gaizki pasako nukeela.
A.M. Peñagarikano
Gosearen gosez gaur irakiten
askok daukate odola
asko daukanak gehiago nahi du
ene hau da deskontrola!
Astelehenetan lanera pozik
joaten naiz edonola
pentsatzen baitet mundun erdia
askoz gaizkio dagola.
A. Sarriegi
Mundun erdia okerrago da
baina ez da helburua
zerrenda hortan gora igotzea
ta harrapatzea burua.
Arazo honen erruduna da
hau da gauza segurua
beti gehiago edukitzea
ona omen den mundua.