Bertsos - Voir fiche Pour savoir plus sur cette section
2012-12-08 Errenteria Sariketa [Bertsoa] / Oier Aizpurua Olaizola, Jone Uria Albizuri
| Bertsoa entzun |
2012-12-08 Errenteria Sariketa [Bertsoa] / Oier Aizpurua Olaizola, Jone Uria Albizuri
Nom de la strophe:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localisation:
XDZ - Xenpelar Dokumentazio Zentroa
J. Uria
Beti pelmada ematen
behingoz behar dugu eten
bertsolaritzaz aspertu bainaiz
bertsolari izaten
gai-jartzaile halako baten
biok sartu behar genukeen
sariketetan behingoz gai onak
ipini ditzaten. (bis)
O. Aizpurua
Egin behar degu modu
hobeto egingo degu
orain artean gorputza dardar
horrenbeste ordu...
Gaur gai-jartzaile gera gu
beraz Jone hartu kargu
orain besteak izorratzea
egokitzen zaigu. (bis)
J. Uria
Zu zabiltzan gorrotoan
ni ere nabil gaurkoan
bertsolariak jarri ditzagun
beraz oztopoan
BECen buruz burukoan
jarri behar dugu atoan
esternokleidomastoideoa
bederatzikoan. (bis)
O. Aizpurua
Ideia ona atoan
nik ere badet golkoan
gaurko honetan ez dira joango
berehalakoan
bi txingurri desiertoan
gaia ez da joango doan
ta noski ere hau joango da
bederatzikoan. (bis)
J. Uria
Eta gaien ondorenak
jarri ondoren hortik zenbat
epailetzara salto egin behar dut
badauzkat bi lemak
epailetzan lan onenak
egin behar du hemen denak
buruz burura pasa daitezen
merezi dutenak. (bis)
O. Aizpurua
Nahiz eta egin herrena
hura izango da aurrena
buruz burura zergatik pasa
merezi duena?
Hau da pentsatu detena
nahiz ta zuk eman ordena
ni idazkari jarriko naiz ta
aldauko det dena. (bis)