Bertsos - Voir fiche Pour savoir plus sur cette section
Pilotariak [Bertsoa]
Pilotariak [Bertsoa]
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Espainolak zaizkigu Frantzian agertu,
Dire pilotariez goraki altxatu,
Heien joko ederrak gaitu gu harritu,
Geroztik da Espainia urgulutan sarthu.
II
Frantzia zen harritzen horren ikusteaz,
Penarekin orhoituz iragan denboraz,
Non eztugu, zioen Perkainak, Azantzak (bis)
Espainia guzia benzutzen zutenak. (bis)
III
Geroko denboretan, Halsu, Uztaritze,
Laguntzat arturikan hauzoan Saint Pere,
Kuraioski dohazi Espainoletarat (bis)
Bai lurrean heien ungi zapatzerat. (bis)
IV
Azken urtetan dugu Hazparne ikusten
Jokarien nausiak Iruni ematen,
Kaskoina, Harriaga izen aipatua (bis)
Frantzian, Espainian nausi pasatuak. (bis)
V
Guti bat egotu da Frantzia gorderik
Bere garaitzitan pausua harturik
Iduzkien pareko hedoien artean (bis)
Gerorat agertzeko loria berrian (bis).
VI
Espainolek diote, adio Frantzia,
Betikotz akabo duk, hire bitoria,
Guk diagu, guk orai, guzien nausia, (bis)
Ez nuen nahi, bainan aitor zak egia. (bis)
VII
Meltxor du Espainiak bistarat agertzen,
Frantzesak harren kontra maiz desafiatzen,
Harren joko handia bethi da nausitzen (bis),
Espainolen loria, ungi da finkatzen. (bis)
VIII
Orduan Oihartzunek boza du altxatzen,
Bere semearentzat tronu bat galdetzen,
Meltxor, Manuel, Ansa, gure iduzkiak (bis)
Penarekin zaituzte ikusten Frantziak. (bis)
IX
Zeruak ez du maite nihon urgulurik,
Harren ezeztatzen da hari bethi danik,
Hala zuen agertu Dabid haur gaztea (bis)
Hartaz laster bentzutu Goliath handia. (bis).
X
Espainiak ez zuen asmatzen sekulan,
Nihor sartuko zela harren primantzetan,
Meltxorren tronua du azkartu eguna (bis)
Mundu guzien kontra iraunen duena (bis).
XI
Haur gazte bat du artzen Frantziak besotan,
Laster agerrarazten plaza guzietan,
Erraten diolarik, Frantzia zak altxa (bis)
Hitan duk pausatua ene esperantza (bis).
XII
Sarak ere du entzun bere aitaren boza,
Bitoriaren nahiz bethetzen bihotza,
Mathieu, Jean Baptista, Norberto butari (bis)
Aise dire Espainolendarri aitzindari (bis).
XIII
Jean Baptista errefiran parerik gabea,
Harren kolpeak dauka segurki kintzea,
Pilota du egiten balaren pareko (bis)
Nor da,nor gai kausitzen harren bihurtzeko? (bis)
XIV
Borotra gibeletik guzien nausia,
Erreturnatik ere da xoragarria,
Bere karkuluz ditu guziak harritzen (bis)
Kolperik segurenez etsaiak bentzutzen. (bis)
XV
Norberto bere butaz da harrigarria,
Xaxetako kintzetan bethi atzarria,
Harren enganatzeko ez da bidezkarik (bis)
Berak dauzka guziak begiz zarraturik. (bis)
XVI
Biba, biba Frantzia, populu lehena,
Orai lehen bezala nausitzat emana,
Hiretzat dituk beraz, ohore, loria (bis)
Kanta zagun goraki, nausi da Frantzia. (bis)
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/