Bertsos - Voir fiche Pour savoir plus sur cette section
2011-12-18 Donostia Txapelketa [Bertsoa] / Unai Agirre Goia, Aitor Sarriegi
| Bertsoa entzun |
2011-12-18 Donostia Txapelketa [Bertsoa] / Unai Agirre Goia, Aitor Sarriegi
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
U. Agirre
Euriya ari du eta zerua
erdi ilun erdi pintto
olatu hauek ez dira egoten
gaur dauden baino politto.
Nahiz ez joateko esaten duten
barrura nijoa kitto!
Uretan igual aterako naiz
baina lehorrean itto.
A. Sarriegi
Era hontako ekaitzaldirik
nahiz ta ez zuten espero
han eta hemen aipatzen dute
alerta gorria-edo
baina arriskua ere badago
uretan sartu ezkero.
Joan zaitez zu aurrena eta
nik probatuko det gero.
U. Agirre
Tabla honekin ibili nahi det
egundoko gutizian!
Momentu hauxe espero gendun
gure bizitza guztian.
Besoak gora altxako ditut
horko olatu luzian
gure bizitzak zentzurik ez du
arriskurikan ezian.
A. Sarriegi
Ez zazu uste zu hor ibili
behar dezunik gaur hegan.
Halere joan nahian bazaude
joan zaitez ba primeran!
Ta nik guztia grabatuko det
nere bideo kameran
gero Youtuben ipiniko det
zu nola itotzen zeran.
U. Agirre
Youtubekoa izango da bai
oso olatu mardula!
Bildurrez baino barrura noa
Aitor ez naiz horren ahula.
Ertetzen banaiz pentsa jendeak
ni goraipatuko naula
eta ertetzen ez baldin banaiz
zuretzako nere taula.
A. Sarriegi
Ez det pentsatzen nik zure taula
hona litekeenik heldu.
Nik abisua pasatu arren
zuk iritzia mantendu.
Hala're ume surflari askoren
gogo begitan gaude gu
gure ametsak betetzeaz gain
eredu izan behar degu.