Bertsos - Voir fiche Pour savoir plus sur cette section
2011-12-18 Donostia Txapelketa [Bertsoa] / Iñaki Apalategi Astigarraga, Alaia Martin
| Bertsoa entzun |
2011-12-18 Donostia Txapelketa [Bertsoa] / Iñaki Apalategi Astigarraga, Alaia Martin
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
A. Martin
Ikusi eta lehen unetik
zenuen zuk piztu sua
azkartzen duzu nere arnasa
eta geratzen pultsua.
Zu berriz ere aurkitzea da
ohore eta luxua
oraindik ere ezpainetan dut
zure lehenengo muxua. (bis)
I. Apalategi
Taberna baten ezagutuak
elkarri hizketan ozen.
Bi hamarkada pasatu dira
parez pare gaude zuzen.
Zuk oso ondo dakizu muxu
hura zer-nolakoa zen
nik idea bat badaukat baina
ez naiz ondo gogoratzen. (bis)
A. Martin
Gogoratzeko muxua eman
ta jada mundua mundu
berri bihurtzen ari zaigula
diot segunduz segundu.
Urte hauetan bikote formal
bat izan dugu helburu
maitatzen ahaztu egin zaigu ta
sufritzen ikasi dugu. (bis)
I. Apalategi
Maitasunaren aurrea ona zen
probatu degu atzea
bakardadea nahi ez denean
izan baileike trantzea.
Kostata baino tokatu zaigu
gu bioi konturatzea
eta sufrituz ikasi degu
zer dan norbait maitatzea. (bis)
A. Martin
Nola maitatzen ezin den jakin
pixka bat sufritu gabe
gaur harreman bat hasi behar bada
biok prestatuta gaude.
Zatoz honantza eman eskua
ta jar zaitez parez pare
ta maitasunak baietz bihurtu
berriro ere nerabe! (bis)
I. Apalategi
Lehenago sua aipatu dezu
jarrita neri begira
hura neretzat San Juan sua're
ez zan izan baina tira!
Hain indartsua bazen su hori
brasak geldituko dira
Alaia guazen aulkietara
ta emaiogun segida! (bis)