BDB Bertsolaritzaren datu-basea

Information genérale

Kategoria

Bat-batekoa

Représentation Périodique (Saioarena)

Gipuzkoako Bertsolari Txapelketa (9. 2011)

Représentación

2011-12-18 Donostia Txapelketa

Bertsolaris / Auteurs

Agirre Goia, Unai

Martin, Alaia

Exercice

Binaka gaia-emanda

Sujet proposé

Bi mendizale zarete. Elkarrekin mendira joan eta hamaiketakoan, zuk, Unai, tortilla bokadiloa eta zahatoa atera dituzu motxilatik. Alaiak bi barrita energetiko eta Isostar botila bat.

Description

Air

Orioko balearena

Nom de la strophe

Zortziko txikia (hg) / Lau puntuko txikia (ip)

Bertso kopurua

6

Localisation

Localisation

XDZ - Xenpelar Dokumentazio Zentroa

Collection / Fond / Projet

Txapelketetako Bilduma

2011-12-18 Donostia Txapelketa [Bertsoa] / Unai Agirre Goia, Alaia Martin

Nom de la strophe:  Zortziko txikia (hg) / Lau puntuko txikia (ip) 
Localisation:  XDZ - Xenpelar Dokumentazio Zentroa 

---

U. Agirre

Ze negargure dedan
ez noa esatera
bota gorri hoiekin
gora eta behera
barrita ziztrin hoiek
neri ez atera!
Herniyora iyo gera
ez Everestera! (bis)

A. Martin

Lehendik igoak ditut
nik Everest batzuk.
Zuk tortilla jan eta
ardoari zurrut
zahatotik tragorikan
nolatan hartu guk?
Bestela malda doble
ikusiko baitut. (bis)

U. Agirre

Eskutan ditugunak
nahi lituzke truka.
Malda gora ta behera
nolako burruka!
Malda doble ikusten da
hori ezin det uka
baina ez diyo ajolarik
beherantza degu ta! (bis)

A. Martin

Ez duzu nahi ohiturak
guztiz apurtzea
nahi duzu tragoxka bat
zuri lapurtzea
merezi duzu izerdi
patsetan urtzea!
Zugatik jarri dute
goiko gurutzea. (bis)

U. Agirre

Ospatzekoa ez al da
hartu degun blaia?
Zuk figura nahi dezu
mehea ta galaia
ez dezu disfrutatzen
nahiz gogotik saia
zuk izena bakarrik
daukazu alaia! (bis)

A. Martin

Izana ere badut
ez izen bakarra
baina zure ondoan
gertu dut negarra.
Geratu zaitez bertan
edaten pattarra
gorantza goaz ni ta
nire isostarra. (bis)