Bertsos - Voir fiche Pour savoir plus sur cette section
2012-12-15 Bilbo Txapelketa [Bertsoa] / Arkaitz Estiballes
| Bertsoa entzun |
2012-12-15 Bilbo Txapelketa [Bertsoa] / Arkaitz Estiballes
Localisation:
XDZ - Xenpelar Dokumentazio Zentroa
Hamasei heldu ta zazpi ume
bildu gara kriston tropa.
Ipini ditut esparraguak
eta hiru pate mota
zazpi zentollo ta bisigua.
Erruz gastatu dugu dirua
baina ez dio inporta.
Elkartu ditut eta esan diet
hoztu arren arrain sopa:
“Ekarri ardoa altzatu kopak
ta egin dezagun topa”
Hamabi urte pasa ta gero
nahiz ta e´nuen hauxe espero
gure semetxoa Gorka
berriz etxean dago ta.
Lepo gainean eta altzoan
dauka iloben tropela
baina hor dago ta horrek orain
ematen didan goibela.
Erreparatuz begiradari
triste dagoela diot nabari
gure artean ez dela.
Iruditzen zait oraindik ere
espetxean dagoela.
Urreratu naiz muxu bat eman
ta esan diot horrela
“Kanta ditzagun kanta kuttunak
gogoratzeko zure lagunak.
Zu etorri zaren bezela
Laster etor daitezela.”