Bertsos - Voir fiche Pour savoir plus sur cette section
2014-05-10 Azkoitia Sariketa [Bertsoa] / Eneko Fernandez, Jon Martin
| Bertsoa entzun |
2014-05-10 Azkoitia Sariketa [Bertsoa] / Eneko Fernandez, Jon Martin
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
E. Fernandez
Etor naiteke modu urtsuan
ta etor naiteke lehor
etor naiteke modu arinean
ta etor naiteke gogor
baina halere azaldu nahi dut
ongi, ongi eta jator
muxu bat hobe sentitzen dela
ni aurretikan banator.
J. Martin
Izan liteke lapurtu den bat
edo muxu iheskorra
lizunkeriaz bustia edo
agurretako lehorra
baina biek bat egiten dute
harreman batean horra:
ezpain berdinek luzatzen dute
muxua eta zigorra.
E. Fernandez
Ezpain berdinek sor dezakete
aipatu duzu aurrena
arrazoi osoz ta indar osoz
hori kontatu hurrena
baina nik orain erranen dizut
sarritan gertatzen dena:
sarri muxua izaten dela
baden zigor haundiena.
J. Martin
Zigorra izan liteke baina
ez da zigor garestia
gure gurason heziketa´re
ez zen batere eztia:
paretan beira liburuekin
eta pare bat ostia.
Injustua da zigorren bidez
ikasitako guztia.
E. Fernandez
Dena polita, dena ederra
nahi duzu sinistarazi
baina etorri gaurko mundura
ta gauzak konpontzen hasi.
Gaur bizi dugun realitatea
ezin dugu inola ahantzi
ta muxuen bidez aizu Jon maite
ezin da dena ikasi.
J. Martin
Dena ezin da muxuz ikasi
baina ezta ere egurrez
fede kontua aipatu nahi dut
zeruz bezelaxe lurrez
pertsona asko ikusi ditut
oso fededunak aurrez
Jaungoikoaren oinei muxuka
bere zigorren beldurrez.