BDB Bertsolaritzaren datu-basea

Information genérale

Kategoria

Bat-batekoa

Représentación

2015-06-20 Muskiz Jaialdia

Conducteur/trice

Barrocal, Ion

Bertsolaris / Auteurs

Estiballes, Arkaitz

Paia, Fredi

Exercice

Binaka gaia-emanda

Sujet proposé

Uda sasoian irakasleek eta ikasleek opor luzeak izaten dituzte. Arkaitz, zu, irakaslea zara eta pentsatu duzu surf ikastaro bat egitea. Eman duzu izena Arkaitz, eta Sopelara joan zara. Lehen eguna da eta Fredi zure lagun handia topatu duzu, irakasle moduan.

Description

Air

Ari naizela ari naizela I

Nom de la strophe

Zortziko handia (hg) / Lau puntuko handia (ip)

Bertso kopurua

8

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2015-06-20 Muskiz Jaialdia [Bertsoa] / Arkaitz Estiballes, Fredi Paia

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 

---

A. Estiballes
Kursillotxo bat egin nahi nuen
hori zen neure sostengu
eta begira ze irakasle
jarri didaten eredu!
Lehenengo gauza eskuetatik
dit kalimotxoa kendu
taula gainean jarri da eta
oreka ezin mantendu.

F. Paia
Baina maisua nauzu ni Arkaitz
ta ikaslea zu zara
uda partean surflari eskola
ai lan ebentuala da.
Surf egiteko jantzi zara ta
ze itxura ze pasada!
Neoprenoagaz joan zaite
hurrengo txapelketara.

A. Estiballes
Surfa egiteko neukan gogoa
desioa, pasioa
aprobetxatu nahi nun hortako
oporren okasioa
baina Bizkaian benetan txarto
dago Diputazioa
horrelakoei eman badie
aurten titulazioa.

F. Paia
Tituloa falsifikatu nun
ta meritorik ez kendu
irudimena izaten baita
nire langoen ukendu.
Ia bi metrotako mastila
uretan nola mantendu?
Surf taula gainean jarri da ta
belauntzi bat ematen du.

A. Estiballes
Jornada erdian surf irakasle
jornada erdiz sokorrista
egia esan ikusten zaitut
Fredi bastante polita
Sopelako hau iruditu zait
merezi duen bisita
bakar-bakarrik zeu ikuste arren
tanga gorria jantzita.

F. Paia
Nere amak diseinatzen ditu
eta Arkaitz merkeak dira
irakasle naiz ta sokorrista
zuk esan duzun neurrira
zu salbatzera ez naiz joango
itsaso horren erdira,
azken arnasa emango duzu
itsasoari begira.


A. Estiballes
Arduradun zeinek jarri ote du
holako potrozorria?
Berdin da egon itsasoa bare
marejada, hazkurria
turista gutxi izango da aurten
Sopelan ongi etorria
uda osoan jarriko dute
aurten bandera gorria.

F. Paia
Gure hondartza komunista da
gauza jakina hainbaten
igitaia ta mailua ere
gehitu dizkiogu aurten.
Surferako ez duzu balio
ez naiz nekatuko esaten
hobe zenuke apuntatzea
patera kurtsilo baten.