2017-09-30 Segura Txapelketa [Bertsoa] / Ander Fuentes "Itturri", Jon Martin

Itturri langilea eta Jon nagusia zarete. Iturri, ostirala da, eta lan-jarduna amaitzear zaudela, hor etorri zaizu Jon nagusia esanez azken orduko lan bat sartu dela eta bukatu arte geratu beharko duzula.

Description

Air

Dama gazte xarmant bat

Nom de la strophe

Zortziko txikia (hg) / Lau puntuko txikia (ip)

Bertso kopurua

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

2017-09-30 Segura Txapelketa [Bertsoa] / Ander Fuentes "Itturri", Jon Martin

Nom de la strophe: Zortziko txikia (hg) / Lau puntuko txikia (ip)
Localisation: XDZ - Xenpelar Dokumentazio Zentroa

A. Fuentes “Itturri”:
Gogo handia nuen
astebururako
eta hurbildu zera
ni joaterako
gelditu behar naizela
lana badelako
eta zu nora zoaz
jantzita hain guapo? (bis)

J. Martin:
Nagusiak ez dauka
nahikoa azalpen
oroitu kontratatu
zaitugula aurten
ze harrapatu zaitut
etxera joaten...
Etortzeko ez duzu
presarik izaten! (bis)

A. Fuentes “Itturri”:
Presarik inoiz ez dut
hori da egia
baina ateratzen dut
nahiko izerdia.
Geratu behar dudala
hemen alegia
esklabutza ote da
zure estrategia? (bis)

J. Martin:
Lan gehio izatea
ez da hain arraro
zure asteburuko plan
guztiak akabo!
Karpeta hau oraintxe
itxi beharra dago
ta bukatzen baduzu
badauzkat gehiago. (bis)

A. Fuentes “Itturri”:
Beraz lan pila bat dut
mahai gainean zai
bueno nagusia hobe
ez izanda etsai.
Ostirala da ta hemen
geldituko naiz bai
baina eman zaidazu
astelehena jai. (bis)

Jon Martin:
Ez, ez astelehenean
bulegora buelta
ta lehenbailehen bukatu
hiru-lau karpeta
Benga! Aupa! Animo!
Alaitu kopeta!
A, portzierto banoa
jai hartu dut eta! (bis)

BDB Bertsolaritzaren datu-basea

Bertsos - Voir fiche Pour savoir plus sur cette section