2017-11-12 Durango Txapelketa [Bertsoa] / Iñaki Apalategi Astigarraga, Miren Artetxe

Zuzenbide ikasleak zarete. Karrerako azken urtean zaudete. Miren, Iñakik esan dizu zuzenbidearen mundua ez dela berak espero zuena eta karrera utzi gura duela.

Description

Air

Aresoarren bandera

Nom de la strophe

Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Bertso kopurua

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

2017-11-12 Durango Txapelketa [Bertsoa] / Iñaki Apalategi Astigarraga, Miren Artetxe

Nom de la strophe: Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localisation: XDZ - Xenpelar Dokumentazio Zentroa

M. Artetxe:
Badaukazu ahalmena
soberan duzu kemena
bilakatuko zara abokatu
on ta gozoena.
Nahiz eta kurba den dena
segi bidean barrena
bide egokia sekula ez da
izaten zuzena. (bis)

I. Apalategi:
Baina zenbat ustel usai!
Begiak dauzkat malkoz blai
Katalunian hara bi milioi
boto hor ziren “bai”
ez ziren aldatzeko gai
konstituzio bat etsai
nik lege fartsa baten konplize
ez det bihurtu nahi. (bis)

M. Artetxe:
Justizia dugu eri
han ere zenbat miseri
Katalunian injustizia
ez al da gehiegi?
Baina zuk bidean segi
jarraitu zaidazu neri
eta batera bihur dezagun
legea zilegi. (bis)

I. Apalategi:
Baina Auzitegi Gorenak
bihur ditzake krimenak
nahiz zuk eduki zilegitasun
ta asmo onenak
zertarako ebazpenak?
Alperrik gabiltza denak
legeen giltza bakarrik dauka
idazten duenak. (bis)

M. Artetxe:
Bai bada aski pekatu
baina ez zaitez asaldatu
guda hasia daukagu eta
ez zaigu bukatu.
Pentsatu, ondo pentsatu
etsiari ez barkatu
eta giltzarik ez baldin bada
sarraila aldatu. (bis)

I. Apalategi:
Juez arteko mesedeak
ez direnez dotoreak
uztera noa fakultateko
paperen oreak.
Atera zure loreak
ikasi ondo legeak
ta ea banatzen dituzun noizbait
hiru botereak. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section