Bertsos - Voir fiche Pour savoir plus sur cette section
2018-11-25 Igorre Txapelketa [Bertsoa] / Eneko Abasolo "Abarkas", Oihana Bartra
Bertsoa entzun |
2018-11-25 Igorre Txapelketa [Bertsoa] / Eneko Abasolo "Abarkas", Oihana Bartra
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
Abarkas
Argi nuen nik zein zen
zure arazoa
ta hori konpontzeko
emanda pausoa
zuk nire hitza duzu
hain ondo jasoa
beti ez naiz izango
zure hartzatxoa.
O. Bartra
Baina nire hartzatxoa
ez eidazu kendu
zeinen majoa zaren
ze lagun garen gu.
Ta zuregandik hurbil
nahi nuke mantendu
zure tripatxo horrek
beroa ematen du.
Abarkas
Bai, hau dagoelako
amodioz beterik
zugaz amestu gabe
ez dago gaberik
zure berotasuna
senti dezaket nik
nun topatuko dozu
ni baino hoberik?
O. Bartra
Hoberena zarela
esan dizut bertan
faltan botatzen zaitut
Abarkas benetan
lehen nirekin zenbiltzan
parranda denetan
ta oin ez zara urteten
Santo Tomasetan.
Abarkas
Lehen aspertuta eta
orain zugaz ero
ni ere mareatzen
hasi ote naiz edo?
Baina ohean biok
gaudenean bero
gosaria ekartzerik
ez zazu espero.
O. Bartra
Baina gaua joan da
pixkana hobera
bakoitzaren papela
jartzea hobe da
besarkatuta gaua
pasatu topera
neuk eroango dizut
gosaria ohera.