Bertsos - Voir fiche Pour savoir plus sur cette section
2015-12-19 Donostia Txapelketa [Bertsoa] / Jon Maia
Bertsoa entzun |
2015-12-19 Donostia Txapelketa [Bertsoa] / Jon Maia
Nom de la strophe:
Hamaseiko handia (hg) / Zortzi puntuko handia (ip)
Localisation:
XDZ - Xenpelar Dokumentazio Zentroa
Telebistari begiratuta
iskanbila ta endredo
heriotzaren motibo dira
politika ta genero
gerra berri bat ikusten degu
pantailetatik goizero
mendebaldea, ekialdea
berdin ipar ala hego
biktima asko dago kalean
ta bada nahiko borrero
hemen mundua ez ote doa
hankaz gora erdi ero
abenduaren hogeita lauan
ez nuen asko espero
oraindik ere irri batekin
zebilenik Olentzero.
Ofizioa zaila daukazu
aldrebesa duzu martxa
zu zera gure sinismenen ta
kondairaren testigantza
mendietatik erdi Jainkoa
hegaletan gora altxa
nola gau baten konpondu dena
horren lanbide zehatza
gaur eguneko euskal jendea
ez da hortan aberatsa
aspaldi samar itzaldu zaigu
gerorako esperantza
utzi umeei opari hori
beraiek dira ardatza
baina espero det beste nunbaiten
utzi dezula ikatza.
Hemen bakoitzak izaten degu
denok nahi aina eskari
igual txapel bat eskatuko da
baldin bada bertsolari
agian giltza, giltza txiki bat
kartzelan dagoenari
edo lurpean dagoen horri
zure arnasa ze sari
guk zer eskatu ondo dakigu
baina ez zaigu nabari
beste urte bat pasatu zaigu
mintzatzen ari ta ari
ta nik badakit zure eskutik
zein dan egizko opari
ekar zaiozu elkarbizitza
Euskal Herri berriari.