Bertsos - Voir fiche Pour savoir plus sur cette section
2019-10-05 Lasarte-Oria Txapelketa [Bertsoa] / Mikel Artola, Aitor Salegi
| Bertsoa entzun |
2019-10-05 Lasarte-Oria Txapelketa [Bertsoa] / Mikel Artola, Aitor Salegi
Nom de la strophe:
Hamarreko txikia (hg) / Bost puntuko txikia (ip)
Localisation:
XDZ - Xenpelar Dokumentazio Zentroa
M. Artola:
Egoera izan da
denontzat eskasa
zerorrek’e pentsatzen
zendun zure kasa
pankartekin betea
egunero plaza
ta nahiz zuk hartu dezun
aspertuan traza
gaiaren garrantzia
ez da modaz pasa. (bis)
A. Salegi:
Epaileek betiko
arrazoi sententzi
herrikoak preso ta
lapurrak ihesi
izan behar zuena
Mikel, parentesi
egonkortu egin da
lehen zena berezi
aipatzerikan ere
ja ez du merezi. (bis)
M. Artola:
Nonbait orain giroak
dirudi lasaia
non ezkutatu ote
zaigu ba etsaia?
Kartzelan daude Josu,
Igor ta Alaia
inoiz atera behar
izan bazen gaia
jendea ahaztu da ta
orain da garaia. (bis)
A. Salegi:
Ja ez du enkajatzen
lehengo neurriak
malko bilakatu ohi
baitira irriak
dantzan herdoildu egin
zaizkigu gerriak
eta zera behar du
gaur Euskal Herriak:
ideia esperantzatsu
eta hitz berriak. (bis)
M. Artola:
Beraz nahiko zenuke
guztia gaurkotu
eta irribarre bat
bazpare margotu
baina kanturik ezin
badegu guk sortu
gero alferrik dira
Bildu eta Sortu
oraindik ez baitegu
malkorik lehortu. (bis)
A. Salegi:
Abestia berriak
beraz bion kontu
talde hau ez dadila
bihur basamortu
ea aurrerantzean
ze litekeen otu
zuk gaur arte bezela
hutsetikan sortu
ta lasai zuzenketak
utzi nere kontu. (bis)