Bertsos - Voir fiche Pour savoir plus sur cette section
2019-11-02 Azkoitia Txapelketa [Bertsoa] / Maialen Akizu
| Bertsoa entzun |
2019-11-02 Azkoitia Txapelketa [Bertsoa] / Maialen Akizu
Nom de la strophe:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Localisation:
XDZ - Xenpelar Dokumentazio Zentroa
Nere bizkarreko mina
nere esku eta lunbago minduta
daukat burua
bihotz, heste, estomago
ta pentsatzen det batzutan ezin
dedala gehiago
baina zapatak jantzita
berriz ere prestu nago
bulego batean nabil
beste edonon nahiago
baina ezetz esateko
ene zenbat erreparo!
Nola egongo gera ondo sistema
gaixo badago? (bis)
Altxatu eta goazen
hori dugu erregela
ia ahaztua daukat
iraultzaile izan nintzela
mila larehungo soldata
eta gustora horrela
ez baitu hemen inork nahi
langabeziko papela
jefeak “mugitu hadi”
ez dit ba esan, kauenla!
Txixa egiten digute
goitik behera nahi bezela
ta guk uste inozenteki
euria ari duela. (bis)
Legea ere nola duten
duela gutxi atera
tok-tok zigorrez jo dute
berriro gure atera
bulegoan hogei gera
ta arituta batera
zeoze aldatze hori
berez posible ote da?
Ba, bai, baiezko da erantzun
utzi dezadan galdera
nahiz eta gaixotzen geran
edo gauden sentibera
bihar bertan hasiko naiz
antolatzen gure greba. (bis)