BDB Bertsolaritzaren datu-basea

Information genérale

Kategoria

Bat-batekoa

Représentation Périodique (Saioarena)

Gipuzkoako Bertsolari Txapelketa (11. 2019)

Représentación

2019-12-14 Donostia Txapelketa

Gai-emailea

Zaldua, Ion

Bertsolaris / Auteurs

Maia, Jon

Martin, Alaia

Exercice

Binaka gaia-emanda

Sujet proposé

Zu, Alaia, okina zara. Iluntzero, ixteko ordua hurbiltzen denean, oparitu egiten dituzu sobran geratutako ogiak. Azkenaldian, Jon bezeroa zortziak bost gutxian sartzen da okindegian egunero.

Description

Air

Kantatzera nijoa

Nom de la strophe

Zortziko txikia (hg) / Lau puntuko txikia (ip)

Bertso kopurua

6

Localisation

Localisation

XDZ - Xenpelar Dokumentazio Zentroa

Collection / Fond / Projet

Txapelketetako Bilduma

2019-12-14 Donostia Txapelketa [Bertsoa] / Jon Maia, Alaia Martin

Nom de la strophe:  Zortziko txikia (hg) / Lau puntuko txikia (ip) 
Localisation:  XDZ - Xenpelar Dokumentazio Zentroa 

---

A. Martin:
Altu duzu umorea
ta kolesterola
dohainik lortzea da
zuretzat kirola
ez dizut bada gratis
emango hola-hola
hurrena esango dizut
txapata dagola. (bis)

J. Maia:
Zortzirak bost gutxi ta
eta larunbata
moñotxo bat eginda
txuri-txuri bata
emaidazu mesedez
Alaia, txapata
inoiz ez dizut sartu
hainbeste txapa ta. (bis)

A. Martin:
Txapa sartzen didazu
txapa kolosala
gainera ekartzen duzu
bokata albala
ni jator-jatorra naiz
ta eskuzabala
eta zu berriz zara
xuhurra integrala. (bis)

J. Maia:
Integrala omen naiz
gogorra, txepela
ez naiz mostradorean
daukazun pastela
puskez eta papurrez
bete zuk pardela
pentsa zugana doan
uso bat naizela. (bis)

A. Martin:
Uso pasearena
ze graziosoa
barkamena eskatzea
hain da inozoa
zuk egin duzu txiste
ia-ia osoa
etxean uso zara
ta dendan otsoa. (bis)

J. Maia:
Ze uso ta ze otso
ta ze pizti mota
hau konpondu nahi nuke
ez bazaizu inporta
beraz eder-ederra
ta ona dago ta
bihar ekarriko det
baratxuri zopa. (bis)