Bertsos - Voir fiche Pour savoir plus sur cette section
2019-12-14 Donostia Txapelketa [Bertsoa] / Agin Laburu
| Bertsoa entzun |
2019-12-14 Donostia Txapelketa [Bertsoa] / Agin Laburu
Nom de la strophe:
Hamahirukoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Localisation:
XDZ - Xenpelar Dokumentazio Zentroa
Begirada bat ezkutatua
edo ahopeko burla
mundu guztiak norantza hortan
jartzen ote du brujula?
Motxila haundi bat daukate haurrek
ezin da ahaztu sekula
baino motxila nola kentzen dan
zeinek ta nola kalkula
beti bera pelikula (bis)
inork gainera etorri nahi ez
hau da hau karga mardula!
Esan beharrik ez dute noski
traba egiten degula. (bis)
Batak bestea tira dezake
ta batak bestea bultza
zentroan dena orekatu nahi
burua eta gorputza
desberdina da kultura eta
desberdina da hizkuntza
nik eskeintzen det esku bat eta
eskeini nahi det hezkuntza
hori baita gure funtsa (bis)
halere inor ez da etortzen
mundu hortatik honuntza
eta nik biak behar nituzke
bai lana ta bai laguntza. (bis)
Hipokresia izanagatik
gure gizarteko gaitza
beti berdina ez da izaten
jasotzen degun emaitza
bakardadea senti daiteke
diskriminazio latza
baino harrera zentrotan ere
zein dan daukagun ardatza
denak horretantxe datza (bis)
zurien mundu honekin nahiz ta
sarritan egin zalantza
jende on asko badago eta
ez det galdu esperantza. (bis)