BDB Bertsolaritzaren datu-basea

Information genérale

Kategoria

Bat-batekoa

Représentation Périodique (Saioarena)

Plaza Biziberritzen (2020)

Représentación

2020-06-10 Online Berezia

Conducteur/trice

Agirre, Amaia

Bertsolaris / Auteurs

Arzallus, Maddalen

Exercice

Bakarka gaia-emanda

Sujet proposé

Giharretako distrofia edo gaixotasun bat dela medio, mugimendu arazoak dituen ume bat zara Maddalen. Goizetan ikastetxera joaten zeran baina arratsaldero fisioterapia sesioak jasotzea ezinbestekoa duzu eta ikastetxean ere laguntza izaten duzu. Koronabirusak eragindako egoerak zure bizitza erabat aldatzeaz gain, zure gorputzari sekulako atzerapausoa eragin dio. Gizartea, mundua... horretaz ohartarazi nahi duzu bertsoen bidez.

Gaiari oharrak

Gai-jartzaileak oinak ematen joan ahala (aurreko puntua kantatzen ari den bitartean) osatzen du bertsoa.

Description

Air

Haizea dator ifarraldetik

Nom de la strophe

Hamaseiko handia (hg) / Zortzi puntuko handia (ip)

Bertso kopurua

3

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2020-06-10 Online Berezia [Bertsoa] / Maddalen Arzallus

Nom de la strophe:  Hamaseiko handia (hg) / Zortzi puntuko handia (ip) 
Localisation:  XDZ - Xenpelar Dokumentazio Zentroa 

---

Eskaileratan mailarik maila
banatzen da gizartea
beti berdinoi ixten digute
mutur aurrean atea
nere lagunek solik nahi zuten
parketara joatea
baina neretzat bigarren mailan
bakarrik dago parkea.
Denek erruki pixka bat dute
hori sentituz, pakea!
Bigarren mailan ipintzen dute
nere motrizitatea
nahiago nuke bestela balitz
nere errealitatea
baina besteren eskutan dago
nere ongi izatea.

Nik behar ditut mila masaje
eta mila ariketa
ta kaltegarri bilakatu zait
birusaren aldaketa
galdu baititut nere indarrak
ta nola ez heziketa
ta horregatik piztu nahi nuke
inguruetan alerta
nere esanak entzun ondoren
egizue gogoeta
ea behingoan irekitzen den
osasunaren karpeta
laguntza pixka’t emaidazue
jar idazue arreta
zuen eskua luzatuz gero
asko egiten dut eta.

Nere indarrak, nere dohaiak
nahi ditut aldarrikatu
nahiz ta giharrak ahul dauzkadan
hori ezin da ukatu.
Okerrena da nere kasuan
gu ez garela bi katu
beraz denontzat irtenbide bat
behar genuke bilatu
fisio denak ta irakasleak
behar dira inplikatu
egia esan ezin den hori
ere nik ez dut eskatu
behar dudana nahi dudana
mesedez errespetatu
hurrengo baten gauza berdina
ez dadin errepikatu.