Bertsos - Voir fiche Pour savoir plus sur cette section
2020-06-13 Senpere Jaialdia [Bertsoa] / Odei Barroso
| Bertsoa entzun |
2020-06-13 Senpere Jaialdia [Bertsoa] / Odei Barroso
Nom de la strophe:
Hamarreko txikia (hg) / Bost puntuko txikia (ip)
Localisation:
XDZ - Xenpelar Dokumentazio Zentroa
Gure egonezinak noiz
hartzen du bakantza?
Lasa eta Zabala
nolako arantza!
Beste galdera ere
izan zen Jon Antza
Naparra desagertu
ta zenbat zalantza
gaur egun desagertu
zaigu esperantza. (bis)
Izan tortura, zauri
edo hilobia
gure historiak du
liburu lodia
orain alferrik dira
mila teoria
gure morala dago
ia eroria
galdera ikur bat baita
gure historia. (bis)
Demokrazia aipatzen
dute nola hala
ia errealitate
balitza bezala
guk ordea badugu
iragan zabala
hezurrak, haragia
mamia, azala.
Ordaindu behar duenak
ordaindu dezala. (bis)