2022-11-12 Durango Txapelketa [Bertsoa] / Saioa Alkaiza, Julio Soto

Julio eta Saioa surflariak zarete. Zu Julio lapurtarra eta Saioa bizkaitarra. Julio, Saioak esan dizu euskal selekzioarekin aritzeko gonbidapena iritsi zaiola.

Description

Air

Aresoarren bandera

Nom de la strophe

Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Bertso kopurua

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

2022-11-12 Durango Txapelketa [Bertsoa] / Saioa Alkaiza, Julio Soto

Nom de la strophe: Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localisation: XDZ - Xenpelar Dokumentazio Zentroa

J. Soto
Neoprenozko bi mauka
olatu gainean taupa
ta selekzio euskaldun batek
zaitzakela hauta.
Suertea daukazu, aupa!
Ni´re ez nengoke aurka
Euskal Herriko urak ordea
bi emari dauzka. (bis)

S. Alkaiza
Olatuen zipriztina
mugen kolore zikina
hartu olatua eta banoa
hain naiz hankarina!
Ordea duzu ezina
mugaz bestalde ekina
ze eginen zenun ordea nere
lekuan bazina? (bis)

J. Soto
Etorri zaigun trantzea
da bi uren balantzea
zure poza ta nere tristura
aurrea ta atzea
ta neroni hautatzea
balitz ni zugan sartzea
ze eginen nukeen? Bada aukera
aprobetxatzea! (bis)

S. Alkaiza
Beti txakurrak ortozik
baina ernatu zara goizik
ta aitortu duzu berdina eginen
zenukeela pozik.
Zaurian ez bota gatzik
biok ados gaude kasik
hau ez da Euskal Selekzioa
partxetxo bat baizik. (bis)

J. Soto
Borroka ez da amaitu
egin behar da jarraitu
ta selekzio berak hartuko
al gaitu noizbait gu?
Herriak hala nahi baitu
zuk zure baitari aitu
ta egin surf ta lasai gu urak
elkartuko gaitu. (bis)

S. Alkaiza
Surf, pilota edo puenting
modernoenentzat twerking!
Urak batuta elkartu ahal dira
akaso sei erpin.
Beraz borrokari ekin
aldarriz nabil zurekin
tsunamiren bat surfeatuko
dugu elkarrekin. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section