Bertsos - Voir fiche Pour savoir plus sur cette section
2023-11-11 Berriz Txapelketa [Bertsoa] / Iruri Altzerreka
| Bertsoa entzun |
2023-11-11 Berriz Txapelketa [Bertsoa] / Iruri Altzerreka
Localisation:
XDZ - Xenpelar Dokumentazio Zentroa
Hamazazpi urte ditut
ta bizi naiz Berrizen
Iruri Altzerreka naiz
nire izen ta abizen
nerabe bizitza sarri
da grisenetan grisen
hamaika kontuk erditik
gaituzte erdibitzen
baina ikasten nabil ta
bizitza hau bizitzen
eta maitasuna zer den
badakit existitzen
adarrak ipintzea ez zait
zilegi iruditzen.
Familia izaten da
adin hontan garabi
guztia baitaukat duda
dena hezur haragi
adin konplikatua da
ez al da ba nabari?
Dena dudan jartzen gabiltz
hor ari eta ari
baina kaletik noala
ezustean ze sari!
Aita ikusi dut hortxe
begiratu ta adi
adarrak jarri dizkio
gure aitak amari.
Ikustean nik hartu dut
gaur sorpresa itzela
neurtu beharrean hitza
eta neurtu pintzela
nire buruan egin dut
kristolako nobela
eta barruan sentitu
emozio koktela
etxerantz hartu dut berriz
nire pauso motela
zer egin ez dakidala
pentsatu dut horrela:
bizitza kontraesanez
beteta dagoela.