Bertsos - Voir fiche Pour savoir plus sur cette section
2023-11-18 Santurtzi Txapelketa [Bertsoa] / Aitor Bizkarra
| Bertsoa entzun |
2023-11-18 Santurtzi Txapelketa [Bertsoa] / Aitor Bizkarra
Nom de la strophe:
Hamalaukoa, handiaren moldekoa, 8 puntuz (hg) / Zortzikoa, handiaren moldekoa, 8 puntuz (ip)
Localisation:
XDZ - Xenpelar Dokumentazio Zentroa
Hamabost urte ta juntau ginen
igual juntau ginen lartxu
bizi oso bat eraiki eta
zenbat esperantza faltsu!
Bikotekide baten presentziak
sarri egin lei’ mehatxu
umeetaz gain bera zaintzen be
indar dana bajoatsu
bi begiak disdiratsu
besoan hainbat zizt zantzu
bronka itzela bota deutsut gaur
ta ezentzuna ein deustazu
sarri askotan nik pentsetan dot
parekoa ez zarela zu. (bis)
Aita danean arriskutsua
ez gara urduri jarten
ama danean ia ez deutsagu
konponbiderik igarten
lehenagotik zan zure arazoa
baina haurra jaio aurten
ta esan dotsut: “Etxe hontatik
gabaz ezin dozu urten”
Ze hainbat sasi azalpen
jadanik ez dot jasaten
zure bizia konpondu behar
dozula nabil esaten
ta zu piti bat liatu guran
ta umea negar baten. (bis)
Kontrabandoko tabakoa ta
kuartillo t`erdi ardoaz
hasi zinen ta gero hautsera
ta Albalera igaroaz
gogoratzen naz ondo ganera
ni igazko azaroaz
ze larrittuta esaten neutsun:
“Kaka horrek bazaroaz”
Baina urteak joan doaz
abiantza da mandoaz
“Itxiko deutsat” Esan deustazu
ohiko dozun berbaroaz
ai baina berbak berba dira ta
horreek haixeak daroaz! (bis)